நகர்வு

2010-08-15T01:10:00.001-07:00

ரிய காரணம் தெரிவித்தால் அகதி அந்தஸ்து : கனேடிய அமைச்சர் (பட இணைப்பு) _

வீரகேசரி இணையம் 8/14/2010 11:45:53 AM

எம்வி சன் சீ கப்பலில் வந்த இலங்கை அகதிகள் உரிய காரணங்களைக் கொண்டிருந்தால்அகதி அந்தஸ்து வழங்கப்படும். ஏனையோர் நாடு கடத்தப்படுவர் என கனேடிய பொதுமக்கள நலன் துறை, பாதுகாப்பு அமைச்சர் விக் டோவிக் தெரிவித்துள்ளார்.

சன் சீ கப்பல் மூலம் பிரிட்டிஷ் கொலம்பியாவைச் சென்றடைந்துள்ள அகதிகளை விசாரணை செய்யும் நடவடிக்கைகள் ஆரம்பிக்கப்படவுள்ளன.

இன்னும் ஒரு வார காலத்தில் இந்தப்பணிகள் ஆரம்பிக்கப்படும் என அவர் குறிப்பிட்டுள்ளார்.

சன் சீ கப்பல் நேற்று வெள்ளிக்கிழமை காலை 6.00 மணியளவில் பிரிட்டிஷ் கொலம்பியா கடற்படைத்தளத்திற்கு வழிநடத்திச் செல்லப்பட்டது.

இந்நிலையில் அதில் பயணித்த 490 பேரின் சுகாதார நலன் குறித்த விடயங்கள் தற்போது முன்னெடுக்கப்படுவதாக கனேடியத் தகவல்கள் தெரிவிக்கின்றன.

விசாரணைகளின் பின்னர் உரிய காரணங்களைக் கொண்டிருப்பவர்களுக்கு அகதி அந்தஸ்து வழங்கப்படும். ஏனையோர் நாடு கடத்தப்படுவர் என பொதுமக்கள நலன் துறை அமைச்சர் குறிப்பிட்டுள்ளார்.

இதற்கிடையில் கப்பலில் சென்றவர்களில் சிறு தொகையினரே நோய்களுக்கு உட்பட்டுள்ளதாகவும் அவர்களும் வைத்தியசாலைகளில் அனுமதிக்கப்பட்டு விரைவில் அங்கிருந்து முகாம்களுக்கு அனுப்பிவைக்கப்படுவார்கள் எனவும் அமைச்சர் மேலும் தெரிவித்தார்.

2010-08-15T00:43:00.001-07:00

ஓர் போராளியின் புனிதச்சுவடு,காலத்தால் அழியாத காவியநாயகர்கள் வரிசையில்

2010-08-12T10:33:00.000-07:00

எமது தாய்நாடு தமிழீழம்

அரசாங்கம் நியமித்துள்ள விசாரனைக் குழுவின் நம்பகத் தன்மை குறித்து அமெரிக்காவின் மனித உரிமை காப்பு அமைப்புக்களும் காங்கிரஸ் உறுப்பினர் குழுவும் வினா எழுப்பியுள்ளன‐ இறுதிக் கட்ட யுத்தம் தொடர்பில் அமெரிக்ககாவின் கருத்தை ஏற்க முடியாது– அரசாங்கம்

2010-08-12T04:44:00.001-07:00

இலங்கையில் இடம்பெற்ற சிவில் யுத்தத்தின் இறுதிக்கட்டங்கள் குறித்து விசாரணை செய்வதற்கு அரசாங்கத்தினால் நியமிக்கப்பட்ட குழு அதன் பணிகளை நேற்று புதன்கிழமை கொழும்பில் ஆரம்பித்தது. ஆனால் அமெரிக்காவிலுள்ள மனித உரிமை காப்பு அமைப்புக்களும் காங்கிரஸ் உறுப்பினர் குழுவும் இக்குழுவின் நம்பகத் தன்மை குறித்து வினா எழுப்பியுள்ளன. எட்டுப் பேர் அடங்கிய இந்த விசாரணைக் குழு, ஐந்து நாட்கள் தலைநகர் கொழும்பிலும் இரண்டு நாட்கள் முன்னாள் யுத்த வலயத்திற்கு அருகிலுள்ள வவுனியாவிலும் சாட்சிகளிடமிருந்து வாக்குலங்களை பதிவுசெய்ய இருக்கிறது.

2002ஆம் ஆண்டு யுத்தநிறுத்தம் ஏன் முறிவடைந்தது என்பது பற்றியும் இலங்கையில் மீண்டும் யுத்தம் ஏற்படாதிருப்பதை உறுதிப்படுத்துவதற்கான வழி வகைகளையும் ஆராய்ந்து 6 மாதங்களுக்குள் ஜனாதிபதி மஹிந்த ராஜபக்ஸவுக்கு அறிக்கை சமர்ப்பிக்குமாறு குழுவிடம் கேட்கப்பட்டுள்ளது என்று ஏஎவ்பி செய்தி ஸ்தாபனம் தெவித்துள்ளது.

பாதிக்கப்பட்டவர்களுக்கு நீதி வழங்கப்படுவதை உறுதிப்படுத்துமாறும் குழுவினர் கேட்கப்பட்டுள்ளதாக தமது பெயரை வெளி யிட விரும்பாத அதிகாரி ஒருவர் தெரிவித்தார்.

தண்டனை வழங்கும் நோக்கில் இவ்விசாரணை நடத்தப்படவில்லை என்று குறிப்பிட்ட அதிகாரி தவறிழைக்கப்பட்டவர்களுக்கு இழப்பீடு வழங்க சிபார்சு செய்யப்படும் என்று கூறினார்.

நியூயோர்க்கில் தளத்தைக் கொண்டுள்ள மனித உரிமைகள் கண்காணிப்பகம் கருத்து தெரிவிக்கையில், அரசாங்க படைகளினால் புரியப்பட்ட யுத்தக் குற்றச்செயல்களை சுயாதீனமான விசாரணைக்குழு ஒன்று விசாரிக்க வேண்டும் என்ற சர்வதேச கோரிக்கைகளை திசைதிருப்பும் முயற்சியே இந்த விசாரணைக்குழு நியமனம் என்று தெரி வித்துள்ளது.

இதற்கு முன்னரும் இலங்கை விசாரணை ஆணைக்குழுக்களை நியமித்தது. ஆனால் பயன் எதுவும் கிடைத்ததாக இல்லை என்று மனித உரிமைகள் கண்காணிப்பகத்தின் தெற்காசிய பணிப்பாளர் மீனாக்ஷி கங்குலி ஏஎவ்பி செய்தி ஸ்தாபனத்திடம் தெரிவித்தார். பொறுப்புச் சொல்லும் கடப்பாட்டை நிறைவேற்றுவதாக இலங்கை கூறுவதை தங்களால் ஏற்றுக் கொள்ள முடியாது என்று அவர் கூறினார். யுத்தக் குற்றச் செயல்கள் தொடர்பான சர்வதேச குரல்கள் ஓயும் வரை இந்த விசாரணைக்குழு காலத்தை இழுத்தடிக்கும் என்று இலங்கை அதிகாரிகள் நம்புவதாகவும் அவர் தெரிவித்தார். சர்வதேச மன்னிப்புச் சபை போன்ற ஏனைய மனித உரிமைகள் காப்பகங்களும் விசாரணைக்குழு சுயாதீனமற்றது என்று குற்றம் சாட்டியுள்ளன.

யுத்தக் குற்றச் செயல்கள் குறித்து சுயாதீனமான சர்வதேச விசாரணை நடத்தப்பட வேண்டும் என்று அமெரிக்க காங்கிரஸ் உறுப்பினர்கள் குழுவொன்று ஒபாமா நிர்வாகத்தை வலியுறுத்தி வருகிறது. அமெரிக்க ராஜாங்க செயலாளர் ஹிலாரி றொடாம் கிளின்ரனுக்கு பிரஸ்தாப காங்கிரஸ் உறுப்பினர்கள் எழுதியுள்ள கடிதம் ஒன்றில், இத்தகைய குற்றச்சாட்டுக்களை விசாரிப்பதற்கு இலங்கை அரசாங்கத்தினால் நியமிக்கப்பட்ட குழுக்கள், தேவை யான நம்பகத் தன்மையை கொண்டிருக்கவில்லை என்று தெரிவித்துள்ளனர்.

அமெரிக்க காங்கிரஸின் 57 உறுப்பினர்கள் இக்கடிதத்தில் கையெழுத்திட்டுள்ளார்கள்.
யுத்தத்தின் இறுதி நான்கு மாதங்களில் குறைந்தது 7,000 சிவிலியன்கள் கொல்லப்பட்டார்கள் என்று ஐக்கிய நாடுகள் ஸ்தாபனம் தெரிவித்துள்ளது. ஆனால் யுத்தத்தில் சிவிலியன்கள் கொல்லப்படவில்லை என்று தெரிவித்த இலங்கை, ஐக்கிய நாடுகள் செயலாளர் நாயகம் நியமித்த நிபுணர்கள் குழுவுக்கு ஒத்துழைப்பு வழங்க மறுத்துள்ளது.

இலங்கை நியமித்துள்ள விசாரணைக்கு குழுவின் முதலாவது சாட்சியான முன்னாள் சமாதான செயலகத்தின் பணிப்பாளர் பேர்னாட் குணதிலக நோர்வேயின் மத்தியஸ்தத்திலான யுத்தநிறுத்தக்குழுவின் செயற் பாட்டின்போதான தனது பங்களிப்பை எடுத்துக் கூறியுள்ளார்.

இறுதிக் கட்ட யுத்தம் தொடர்பில் அமெரிக்ககாவின் கருத்தை ஏற்க முடியாது– அரசாங்கம் ‐

2002ஆம் ஆண்டு யுத்தநிறுத்தம் ஏன் முறிவடைந்தது என்பது பற்றியும் இலங்கையில் மீண்டும் யுத்தம் ஏற்படாதிருப்பதை உறுதிப்படுத்துவதற்கான வழி வகைகளையும் ஆராய்ந்து 6 மாதங்களுக்குள் ஜனாதிபதி மஹிந்த ராஜபக்ஷவுக்கு அறிக்கை சமர்ப்பிக்குமாறு குழுவிடம் கேட்கப்பட்டுள்ளது என்று ஏஎவ்பி செய்தி ஸ்தாபனம் தெவித்துள்ளது.

இறுதிக் கட்ட யுத்தம் தொடர்பில் அமெரிக்க ராஜாங்கத் திணைக்களத்தை ஏற்றுக்கொள்ள முடியாது –

இலங்கையில் அரசாங்கப் படையினருக்கும் தமிழீழ விடுதலைப் புலிகளுக்கும் இடையில் நடைபெற்ற யுத்தம் தொடர்பில் அமெரிக்கா ராஜாங்கத் திணைகளம் வெளியிட்டுள்ள அறிக்கையை ஏற்றுக்கொள்ள முடியாதென அரசாங்கம் அறிவித்துள்ளது.

இறுதிக் கட்ட யுத்தத்தின் போது இடம்பெற்ற சம்பவங்கள் தொடர்பில் இலங்கை அரசாங்கம் உரிய விசாரணைகளை நடத்தத் தவறியுள்ளதாக அமெரிக்க ராஜாங்கத் திணைக்களம் அமெரிக்க காங்கிரஸிற்கு அறிக்கை சமர்ப்பித்துள்ளது.

அமெரிக்க ராஜாங்கத் திணைக்களத்தினால் இலங்கை யுத்தம் தொடர்பில் வெளியிடப்பட்டுள்ள அறிக்கை கிடைக்கப் பெற்றுள்ளதாக அராங்கத் தகவல் திணைக்களம் அறிவித்துள்ளது.

அண்மைக்கால யுத்தத்தின் போது இடம்பெற்ற சம்பவங்கள் குறித்து உரிய விசாரணைகள் நடத்தப்பட வேண்டுமென அந்த அறிக்கையில் சுட்டிக்காட்டப்பட்டுள்ளது.

சுபீட்சமும் சமாதானமும் கொண்ட இலங்கையைக் கட்டியெழுப்புவதே அரசாங்கத்தின் முதன்மை நோக்கம் என தெரிவிக்கப்பட்டுள்ளது.

ஜனாதிபதி மஹிந்த ராஜபக்ஷவினால் உண்மையைக் கண்டறியும் ஆணைக்குழு நியமிக்கப்பட்டுள்ளதாகவும் யுத்தம் தொடர்பாகவும் கடந்த கால படிப்பினைகள் தொடர்பாகவும் ஆராயப்பட்டு வருவதாகவும் அரசாங்கம் குறிப்பிட்டுள்ளது.

இடம்பெயர் மக்களின் பெரும்பகுதியானவர்கள் ஏற்கனவே மீள் குடியேற்றப்பட்டுள்ளதாக தெரிவிக்கப்பட்டுள்ளது.

அவசரகாலச் சட்டத்தின் பல சரத்துக்கள் நீக்கப்பட்டுள்ளதாக அரசாங்கம் குறிப்பிட்டுள்ளது.

இலங்கை யுத்தக் குற்றச் செயல்கள் தொடர்பில் விசாரணை நடத்தப்பட வேண்டும் ‐ காங்கிரஸ் சபை உறுப்பினர்கள் :

இலங்கை யுத்தக் குற்றச் செயல்கள் தொடர்பில் விசாரணை நடத்தப்பட வேண்டுமென அமெரிக்க காங்கிரஸ் சபை உறுப்பினர்கள் அமெரிக்க ஜனாதிபதி ஒபாமாவிடம் கோரிக்கை விடுத்துள்ளனர்.

இலங்கையில் இடம்பெற்றதாகக் கூறப்படும் யுத்தக் குற்றச் செயல்கள் தொடர்பில் சுயாதீனமான சர்வதேச விசாரணைகள் நடத்தப்பட வேண்டுமென வலியுறுத்தியுள்ளனர்.

இலங்கை அரசாங்கத்தினால் நியமிக்கப்படும் ஆணைக்குழுக்கள் தொடர்பில் நம்பிக்கை கொள்ள முடியாது என குறித்த காங்கிரஸ் சபை உறுப்பினர்கள் அமெரிக்க ராஜாங்கச் செயலாளர் ஹிலரி கிளின்ரனுக்கு கடிதம் ஊடாக அறிவித்துள்ளனர்.

அரசாங்கத்தினால் நியமிக்கப்படும் ஆணைக்குழுக்களின் விசாரணை நடவடிக்கைகள் காலம் தாழ்த்தப்படுவதாகவும், தேவையற்ற வகையில் அரசாங்கத்தினால் மேற்கொள்ளப்படும் தலையீடுகளினால் சில அதிகாரிகள் ஆணைக்குழுவிலிருந்து விலகியுள்ளதாக சர்வதேச மன்னிப்புச் சபையை ஆதாரம் காட்டி இந்த அதிகாரிகள் குறிப்பிட்டுள்ளனர்.

அமெரிக்க காங்கிரஸைச் சேர்ந்த 57 உறுப்பினர்கள் இந்தக் கடிதத்தில் கையொப்பமிட்டுள்ளனர்.

இறுதிக் கட்ட யுத்தத்தின் போது இரண்டு தரப்பினராலும் குற்றச் செயல்கள் மேற்கொள்ளப்பட்டுள்ளமைக்கா ஆதாரங்கள் காணப்படுவதாக தெரிவித்துள்ளனர்.

குற்றச்சாட்டுக்கள் தொடர்பில் சுயாதீனமான சர்வதேச விசாரணைகள் நடத்தப்பட வேண்டும் எனவும், இலங்கையில் நிரந்தர சமாதானத்தை நிலைநாட்ட நடவடிக்கை எடுக்கப்பட வேண்டும் எனவும் குறித்த காங்கிரஸ் சபை உறுப்பினர்கள் ஜனாதிபதி பரக் ஒபாமாவிடம் கோரிக்கை விடுத்துள்ளனர்.

எவ்வாறெனினும், யுத்தக் குற்றச்சாட்டுக்களை இலங்கை அரசாங்கம் நிராகரித்துள்ளமை குறிப்பிடத்தக்கது.

பொட்டு அம்மான் உயிருடன் பத்திரமாக இருப்பதாக தமிழகத்தில் கைதுசெய்யப்பட்ட சிரஞ்சீவி மாஸ்டர் தகவல்..!

2010-08-12T04:41:00.000-07:00

தமிழக கியூ பிராஞ்ச் போலீஸாரால் கைது செய்யப்பட்டு தற்போது பூந்தமல்லி சிறப்பு முகாமில் அடைக்கப்பட்டிருக்கும் தமிழீழ உளவுப் பிரிவின் பொறுப்பாளரான சிரஞ்சீவி மாஸ்டர் ஜூனியர் விகடன் பத்திரிகைக்கு அளித்திருக்கும் பேட்டி இது..!

கேள்வி : உங்கள் மீது சுமத்தப்பட்டிருக்கும் குற்றச்சாட்டுக்கள் உண்மைதானா?

பதில் : என்னைப் பற்றிய பல விவரங்களை ஏற்கெனவே நீங்கள் வெளியிட்டு விட்டீர்கள். தமிழகத்தில் தங்கியிருந்தாலும், இது காலம்வரையிலு் நான் எந்தவிதத் தவறான செயல்பாடுகளிலும் ஈடுபட்டது கிடையாது. பழைய வழக்குகளின் அடிப்படையில் போலீஸ் எங்களைக் கைது செய்திருக்கிறது. அந்த வழக்குகள் பல்வேறு காரணங்களுக்காகப் போடப்பட்டவை.

கேள்வி : பிரபாகரனுக்கு எதிரான வரதராஜப்பெருமாளை கொலை செய்யவே நீங்கள் தமிழகத்துக்கு அனுப்பப்பட்டதாக ஏற்கெனவே தமிழகத்தில் பிடிபட்ட புலிகள் வாக்குமூலம் வெளியிட்டிருக்கிறார்களே..?

பதில் : (சிரிக்கிறார்..) எனக்கு அப்படியெல்லாம் எவ்வித அஸைன்மெண்ட்டும் கொடுக்கப்படவில்லை. புலிகள் எனச் சொல்லி அப்போது போலீஸாரால் கைது செய்ப்பட்டவர்கள் எப்படிப்பட்டவர்கள்.. அவர்களின் வல்லமை என்ன என்பது போலீஸாருக்கே தெரியும்..

அவர்கள் மூலமாக வரதராஜப் பெருமாளை நான் கொல்ல முயன்றதாகச் சொன்னது வேடிக்கையானது. பிடிபட்டவர்கள் அப்படியொரு வாக்குமூலத்தைக் கொடுத்தார்களா? இல்லை.. வேண்டுமென்றே அப்படியொரு வாக்குமூலம் திட்டமிட்டு வெளியிடப்பட்டதா..? என்பதும் தெரியவில்லை.. புலி உறுப்பினர்களாகப் பிடிபடுபவர்கள் மீது எத்தகைய வழக்குகள் போடப்பட வேண்டும் என்பதையெல்லாம் தமிழக அரசியல்தான் தீர்மானிக்கிறது.

கேள்வி : ஈழப் போர் தீவிரமாக இருந்தபோது நீங்கள் அங்கேதான் இருந்தீர்கள்? போர்க் கொடூரங்களின் நேரடி சாட்சியமாக என்ன சொல்ல நினைக்கிறீர்கள்?

பதில் : சிங்கள அரசின் கொடூரம் உலகத்துக்கே தெரியும். பல்லாயிரக்கணக்கான மக்கள் ஒரு சேர அழிக்கப்பட்டனர். பஸ் மோதி பள்ளி மாணவன் மரணம் என்ற செய்தியை செய்தித்தாள்களில் படித்தால், அது நம் குழந்தையாக இல்லாவிட்டாலும் நம் மனது பதறுகிறது.

ஆனால், ஈழத்தில் கொத்து, கொத்தாகக் குழந்தைகள் கொல்லப்பட்ட கொடூரம் உலகறிய நடந்தும், சிங்கள அரசைக் கண்டிக்க உலக சமுதாயம் முன் வரவில்லை. மற்றபடி அந்தக் கொடூரங்கள் குறித்து விளக்கிச் சொல்லும் நிலையில் நாங்கள் இல்லை.

கேள்வி : பிரபாகரன் தப்பிவிட்டதாக ஈழ ஆதரவாளர்கள் சொல்கிறார்கள். ஆனால் அவர் கொல்லப்பட்டு விட்டதாகச் சொல்லி சிங்கள அரசு ஒரு சடலத்தைக் காட்டியது. இதில் எதுதான் உண்மை.?

பதில் : எங்களின் தலைமையைக் கேட்காமல் நாங்கள் ஏதும் சொல்ல முடியாது.. அதே நேரம் இட்டுக்கட்டி ஏதும் சொல்ல நாங்கள் விரும்பவில்லை..

கேள்வி : சரி.. உங்களின் உளவுப் பிரிவுத் தலைவர் பொட்டு அம்மானின் நிலை குறித்தாவது சொல்லுங்களேன்..?

பதில் : (பலமாகச் சிரிக்கிறார்) மிகப் பத்திரமாக இருக்கிறார். அவருக்கு எந்தப் பாதிப்புமில்லை..

கேள்வி : கேணல் ராம், புலிகளின் முன்னாள் சர்வதேசப் பொறு்பபாளர் கே.பி. உள்ளிட்டோர் சிங்கள சதிக்கு ஆளாகி தமிழர்களுக்கு எதிராகச் செயல்படுவதாகச் சொல்லப்படுகிறதே..?

பதில் : சிங்கள அரசு தமிழர்களைக் குழப்பத்தில் ஆழ்த்தி, ஒற்றுமையைக் குலைக்க அனைத்துவித முயற்சிகளையும் செய்கிறது. போர்க்காலத்திலும் சிங்கள அரசு இப்படித்தான் சதி செய்தது. அடுத்தடுத்து அரங்கேற்றப்படும் இத்தகைய சதிகளை புலம்பெயர் தமிழர்கள் புரிந்து கொள்ள வேண்டும்.

கேள்வி : ஈழத்துக்கான விடிவு கிடைக்க இனியும் வாய்ப்பு இருக்கிறதா..?

பதில் : முகாமில் அடைபட்டுக் கிடக்கும் என்னால் இதற்கென்ன பதில் சொல்ல முடியும்? எத்தகைய அடக்கு முறையும் ஒரு நாள் உடையத்தானே செய்யும்.. - உறுதியுடன் சொல்கிறார் சிரஞ்சீவி மாஸ்டர்.

நல்லிணக்கமே சமாதானத்திற்கான முதல் படி என றொபர்ட் ஓ பிளேக் ஸ்ரீலங்காவில் தெரிவித்தார்

2010-07-21T23:59:00.001-07:00

அமெரிக்க இலங்கையுடன் நீண்டகால உறவினை கொண்டுள்ளது. கடந்த ஜனாதிபதி தேர்தலிலும் பொதுத்தேர்தலிலும் ஜனாதிபதியின் கட்சி வெற்றிபெற்றமையை அமெரிக்கா வரவேற்கிறது. இது இலங்கையின் இனப்பிரச்சினைக்கு இறுதி தீர்வை காண்பதற்கும், எதிர்கால நல்லிணக்கத்திற்கும் உதவும், என அமெரிக்கா நம்புவதாக ரொபட் ஓ பிளக் குறிப்பிட்டார்.

இன்று (21.07.2010) மாலை ஸ்ரீலங்காவின் தலைநகர் கொழும்பில் நடைபெற்ற செய்தியாளர் சந்திப்பில் மேற்கண்டவாறு றொபர்ட் ஓ பிளேக் கருத்துரைத்தார்.

அவர் மேலும் கூறியதாவது,

நல்லிணக்கமே சமாதானத்திற்கான முதல் படியாகும். இந்த நிலையில், இடம்பெயர்ந்தோர் மீள் திருப்பலுக்கும் கண்ணிவெடி அகற்றலுக்கும் அமெரிக்கா தொடர்ந்தும் ஸ்ரீலங்காவிற்கு உதவியளிக்கும். அத்துடன் மீளக் குடியமர்த்தப்பட்டவர்கக்கான தொழில் வாய்ப்புகளுக்காக வடக்கில் முதலீடுகளுக்கும் அமெரிக்கா தமது ஒத்துழைப்பை வழங்கும், கடந்த 2 வருடங்களில் மாத்திரம் அமெரிக்கா ஸ்ரீலங்காவுக்கு 142 மில்லியன் டொலர்களை மனிதாபிமான உதவியாக வழங்கியுள்ளது.

இடம்பெயர்ந்தோரை மீள குடியமர்த்தும் நடவடிக்கைகளில் ஸ்ரீலங்கா அரசாங்கம் முன்னேற்றத்தை கண்டிருக்கிறது. இதனை அமெரிக்கா வரவேற்கிறது. வர்த்தக சமூகத்துடன் நான் பேச்சுவார்த்தை நடத்திய போது, குறிப்பாக வடக்கில் மீன்பிடித்துறை, வங்கி மற்றும் சுற்றுலா துறை வளர்ச்சிக்கு முதலீடுகள் மேற்கொள்ளப்படுவதை தெரிந்து கொள்ள முடிந்தது.

அமெரிக்காவை பொறுத்தவரையில் இதற்கு ஊக்கமளிக்க தயார். ஐக்கிய நாடுகளின் நிபுணர் குழு தொடர்பில் இலங்கையில் தப்பான அபிப்பிராயம் நிலவுகிறது. எனினும் அது பான் கீமூனுக்கு ஆலோசனை வழங்க மாத்திரமே அமைக்கப்பட்டுள்ளது. இந்தக்குழுவின் அனுபவங்கள் ஸ்ரீலங்கா அரச அதிபரினால் அமைக்கப்பட்டுள்ள குழுவுக்கும் உதவும்.

இதேவேளை ஐக்கிய நாடுகள் சபைக்கும் ஸ்ரீலங்காவுக்கும் இடையிலான பிரச்சினை தீர்க்கப்பட்டு கொண்டிருக்கின்றது. அதேவேளை, இலங்கையில் மாகாணங்களுக்கிடையிலான அதிகாரப்பரவலாக்கம் மற்றும் 17 வது அரசியலமைப்புச் சீர்திருத்தை நடைமுறைப்படுத்துவதன் ஊடாக நல்லிணக்கம், ஊடாக சுதந்திரம், சமாதானம் மற்றும் மனிதவுரிமைகளை காப்பாற்ற முடியும் என அமெரிக்கா கருதுவதாக ரொபட் ஓ பிளக் தெரிவித்தார்.

ஸ்ரீலங்கா சென்றுள்ள அமெரிக்காவின் தெற்கு மற்றும் மத்திய ஆசியாவுக்கான உதவி ராஜாங்க செயலாளர் ரொபட் ஓ பிளக் ஸ்ரீலங்கா நேரப்படி இன்று (21.07.2010) மாலை ஸ்ரீலங்காவிற்கான வெளியுறவுதுறை அமைச்சர் ஜீ எல் பீரிசை சந்தித்துள்ளார்.

இன்று(21.072010) காலை ஸ்ரீலங்கா அதிபர் மகிந்த ராஜபக்ஸவை சந்தித்த அவர், எதிர்கட்சி உறுப்பினர்கள் வர்த்தக சமூகத்தினர் மற்றும் தேசாதார (Civil) சமூக குழுக்களையும் சந்தித்து கலந்துரையாடினார்.

தேசியத்தலைவரின் தாயார் நாட்டை விட்டு வெளியேறினார்

2010-03-07T00:40:00.002-08:00

தமிழீழ தேசியத்தலைவர் மேதகு வேலுப்பிள்ளை பிரபாகரன் அவர்களின் தாயார் திருமதி பார்வதி வேலுப்பிள்ளை அவர்கள் இன்று, கொழும்பு கட்டுநாயக்கா விமான நிலையத்திலிருந்து வெளிநாடு ஒன்றுக்கு பயணமாகியுள்ளார்.

கடந்த 2ம் திகதி திருமதி பார்வதி வேலுப்பிள்ளை அவர்கள் வெளிநாடு ஒன்றுக்கு செல்வதற்காக திரு.சிவாஜிலிங்கம் அவர்களால் கொழும்புக்கு அழைத்துவரப்பட்டு பம்பலப்பிட்டி வெஸ்ரன் விடுதியில் தங்க வைக்கப்பட்டிருந்தார்.

சுகயீனம் மற்றும் தனிப்பட்ட காரணங்களுக்காகவும், அத்தோடு அவரின் பிள்ளைகள் இந்தியா, டென்மார்க் மற்றும் கனடாவில் வசிப்பதாலும் அவர் இலங்கையில் இருந்து பயணமாகியுள்ளார்.

இவரின் பயண ஒழுங்குகளை முன்னாள் பாராளுமன்ற உறுப்பினரும், யாழ் மாவட்ட நாடாளுமன்ற வேட்பாளருமாகிய திரு. சிவாஜிலிங்கம் அவர்கள் ஒழுங்கு செய்திருந்ததாகவும் தெரிவிக்கப்படுகின்றது.

அரச சார்பற்ற நிறுவனங்களை கண்காணிக்க விசேட குழு

2010-03-07T00:40:00.001-08:00

உள்நாட்டு,வெளிநாட்டு அரச சார்பற்ற நிறுவனங்கள் மீது முன்வைக்கப்பட்டுள்ள குற்றச்சாட்டுகள் தொடர்பில் கண்காணித்து, விசாரணை செய்வதற்கு விசேட குழுவொன்று நியமிக்கப்பட்டுள்ளது.

சட்டத்திற்கு முரணான வகையில் நிதிச்சேகரிப்பு நடவடிக்கைகளில் ஈடுபட்டுள்ள அரச சார்பற்ற நிறுவனங்கள் பற்றிய தகவல்கள் தமக்குக் கிடைத்துள்ளதாகவும் அவை தொடர்பான முழுமையாக ஆராயப்படும் என்றும் அக்குழு தெரிவித்துள்ளது.

மகளிர் தினத்தை முன்னிட்டு அயர்லாந்து தலைநகர் டப்ளினில் "My Daughter the Terrorist"

2010-03-07T00:39:00.000-08:00

உலக மகளிர் தினத்தை முன்னிட்டு நாளை ஞாயிற்றுக்கிழமை (07/03/2010) மாலை 5.30 மணிக்கு Progressive Film Club இன் ஏற்பாட்டில் My Daughter the Terrorist எனும் திரைப்படம் அயர்லாந்து தலைநகர் டப்ளினில் அமைந்திருக்கும் New Theartre, No -43 East essex Street , Dublin - 2 இல் காண்பிக்கப்பட உள்ளது.

நோர்வே படத் தயாரிப்பாளரான பீட்டிஆர்னஸ்ட் ( Beate Arnestad) இனால் தயாரிக்கப்பட்ட இத்திரைப்படமானது தமிழீழ விடுதலைப் புலிகளின் பெண் புலிப் போராளிகளின் வாழ்க்கை மற்றும் கொள்கையை ஆவணப்படுத்தியதாக தயாரிக்கப்பட்டுள்ளது.

இரண்டு தமிழ்ச் சிறுமிகள் எவ்வாறு தமது வாழ்க்கைக் கனவுகள், கற்பனைகளைத் துறந்து தாம் போராட்டத்தில் இணைந்தோம் என்பதனையும் பின்னர் அவர்கள் எவ்வாறு தற்கொலை போராளியாக உருவாகின்றார்கள் என்பதனையும் அவர்களின் நோக்கம் என்ன என்பதனையும் தத்துரூபமாக எடுத்துக் காட்டுவதாக இந்தப்படம் அமைந்திருக்கின்றது.

தமிழ் மக்கள் எவ்வாறு இலங்கை அரசாங்கத்தினாலும் மற்றும் இலங்கை இராணுவத்தினராலும் அடக்கப்பட்டார்கள் என்பதனையும் மற்றும் ஏன் இந்த ஆயுதப் போராட்டம் தொடங்கப்பட்டது என்பதனையும் அயர்லாந்து வாழ் மக்களுக்கு தெளிவு படுத்தும் நோக்குடன் இத் திரைப்படம் காண்பிக்கப்பட உள்ளது.

இந்த திரைப்படத்திற்கு அனைவரையும் கலந்து கொள்ளுமாறு அயர்லாந்து தமிழர் அமைப்பினர் கேட்டுக்கொள்ளுகின்றனர்.

முக்கிய ஒன்றுகூடல் - சுவிஸ் தேர்தல் குழு

2010-03-07T00:38:00.000-08:00

மார்ச் மாதம் 28.03.2010ல் நடைபெறவுள்ள மக்களவைத் சார்ந்த ஒன்றுகூடல் சுவிஸ் சூறிச் நகரில் வரும் 07.03.2010 நடைபெறவுள்ளது.

கடந்த தைமாதம் 23ம் 24ம் திகதிகளில் வட்டுக்கோட்டைத் தீர்மானத்தின் அடிப்படையில் கோரப்பட்டிருந்த மக்கள் ஆணைக்கு அதை மீண்டும் உறுதிப்படுத்தும் வகையில் அமோக வாக்களித்து தாயகம், தேசியம், சுயநிர்ணயம் என்ற அம்சங்களின் அடிப்படையில் இறைமை கொண்ட சுதந்திர தமிழீழ அரசிற்கான அரசியல் அடித்தளத்தை சுவிஸ் வாழ் தமிழ் மக்கள் அமைத்துள்ளார்கள்.

இந்த அம்சங்களிற்கு இசைவாக ஒரு மக்கள் சபையை அமைப்பதே அடுத்த கட்ட நடவடிக்கையாகும். அப்படி அமைக்கப்படும் மக்களவையானது மக்களால் மக்களிலிருந்து தேர்ந்தெடுக்கப்படும் பிரதிநிதிகளை கொண்டதாகும்.

அத்தகையதொரு மக்களவையை அமைப்பதற்குரிய முன்னோடி வேலைகளை சுவிஸ் தமிழ் தேர்தல் குழுவினர் மேற்கொண்டு வருகின்றனர்.

மக்கள் மத்தியில் இந்த மக்கள் சபை மற்றும் அதற்கான அடுத்த கட்ட தேர்தல் சார்ந்த விளக்கங்களை அளிப்பதற்காக வரும் ஞாயிற்றுக்கிழமை 07.03.2010 அன்று சுறிச் மாநகரில்Gemeinschaftszentrum Hottingen, Klosbachstrasse 118, 8032 Zürichஎனுமிடத்தில் பொதுக்கூட்டத்திற்கான ஏற்பாடு செய்யப்பட்டுள்ளது.

கூட்டம் தொடங்கவுள்ள நோம் 18:00 மணி.

சுவிஸ் தேர்தல் குழு

(இது பல தமிழ் அமைப்புக்களின் ஒருங்கிணைந்த வேலைத்திட்டமாகும்)

சிறீலங்கா கடற்படையில் புதிதாக கரையோர காவல்படை

2010-03-05T09:26:00.000-08:00

சிறீலங்கா கடற்படையில் புதிதாக கரையோர காவல்படை உருவாக்கப்பட்டுள்ளது. காலியில் நடைபெற்ற அதன் ஆரம்பவிழாவில் அரச தலைவர் மகிந்தா ராஜபக்சா கலந்து கொண்டதாக தெரிவிக்கப்படுகின்றது.

போர் நிறைவுபெற்றுள்ளதாக சிறீலங்கா அரசு தெரிவித்துள்ள போதும், அது தனது படைகளை தொடர்ந்து பலப்படுத்தி வருகின்றது. அதற்கு இந்தியாவும், ரஸ்யாவும், சீனாவும் தொடர்ந்து தமது ஒத்துழைப்புக்களை வழங்கி வருகின்றன.

இந்த நிலையில் நவீன கடற்படை கலங்களை கொண்டு சிறீலங்கா கடற்படை கரையோர காவல்படையை உருவாக்கியுள்ளது. காலியில் நடைபெற்ற அதன் ஆரம்ப விழாவை அரச தலைவர் மகிந்தா ராஜபக்சா ஆரம்பித்து வைத்துள்ளார்.

இந்த நிகழ்வில் பாதுகாப்புச் செயலாளர் கோத்தபாயா ராஜபக்சா, அவுஸ்திரேலியா தூதுவர் உட்பட பெருமளவான பிரதிநிதிகள் கலந்துகொண்டிருந்தது குறிப்பிடத்தக்கது.

இதனிடையே நெதர்லாந்து அரசின் உதவியுடன் காலியில் அமைக்கப்பட்டுள்ள கடல்வள தொல்பொருள் காட்சியத்தையும் அவர் திறந்து வைத்ததும் இங்கு குறிபிடத்தக்கது.

ஊடக அச்சுறுத்தலில் லங்கா ஈ நியூஸ் - இணையத்தளத்தின் ஆசிரியர் நாட்டை விட்டு வெளியேற்றம்

2010-03-05T09:25:00.000-08:00

லங்கா ஈ நியூஸ் இணையத்தளத்தின் ஆசிரியர் சந்தரூவான் சேனாதீர அவரது உயர் பாதுகாப்பு கருதி வெளிநாடு சென்றுள்ளதாக மிகவும் நம்பத் தகுந்த சாட்சியங்கள் தெரிவிக்கின்றன.

சேனாதீர இலங்கையில் சிங்கள இணையத்தளங்களை பிரபலப்படுத்துவதற்காக முக்கிய பங்காற்றியிருந்தார்.

தேசிய மற்றும் சர்வதேச ரீதியில் வாசகர்கள் மத்தியில் மிகவும் புகழ்ப்பெற்றுள்ள லங்கா ஈ நியூஸ் இணையத்தளத்தை தமது கட்டுப்பாட்டின் கீழ் கொண்டு வர அரசத் தரப்பு பெரும் முயற்சிகளை மேற்கொண்டதுடன் முயற்சி தோல்வியடைந்ததால், அந்த இணையத்தளத்தின் ஆசிரியர் சந்தருவான் சேனாதீர, செய்தியாசிரியர் பேர்னாட் ரூபசிங்க ஆகியோருக்கு மரண அச்சுறுத்தல் விடுக்கப்பட்டது.

கடந்த ஜனாதிபதித் தேர்தலில் ஜெனரல் சரத் பொன்சேக்காவுக்கு பகிரங்கமாக ஆதரித்த லங்கா ஈ நியூஸின் அரசியல் கட்டுரையாளர் ஊடகவியலாளர் பிரகீத் ஹெக்நேலியகொட கடந்த டிசம்பர் 24 ஆம் திகதி கடத்தப்பட்டார்.

அவருக்கு என்ன நேர்ந்தது என்பது இதுவரை தெரியவில்லை. ஜனாதிபதி தேர்தலின் பின்னர் இணையத்தள ஆசிரியர் சேனாதீரவுக்கு பாரியளவில் அச்சுறுத்தல்கள் விடுக்கப்பட்டதுடன் பல தடைவைகள் அவரை கடத்திச் செல்லவும் முயற்சிக்கப்பட்டது.

இந்த நிலைமையில் அவர் தனது வீட்டுக்கு செல்லாமல் இரகசியமான இடமொன்றில் இருந்தவாறு இணையத்தளத்தை பதிவேற்றிவந்தார்.

தற்போது வெளிநாட்டில் இருந்த போதிலும் சேனாதீர தொடர்ந்தும் இணையத்தளத்தை பதிவேற்ற நடவடிக்கை எடுத்துள்ளதாக தெரிவிக்கப்பட்டுள்ளது.

நன்றி: லங்கா நியூஸ் வெப்

வெளிநாட்டில் தஞ்சம் கோரும் மேஜர் ஜெனரல் மானவடு

2010-03-04T12:17:00.001-08:00

ஜெனரல் சரத் பொன்சேகாவை கைது செய்த நடவடிக்கையில் தலைமை ஏற்று செயற்பட்ட மேஜர் ஜெனரல் சுமித் மானவடு தனது உயிருக்கு ஆபத்து இருப்பதாகக் கூறி திடீரென வெளிநாடு சென்றுள்ளார்.

சரத் பொன்சேகாவின் கைது தொடர்பில் வாக்கு மூலம் ஒன்றை பெறும் தேவையிருப்ப தாக இலங்கை மனித உரிமை ஆணைக் குழு அறிவித்திருந்த நிலையில் மானவடு இவ்வாறு வெளிநாடு சென்றுள்ளார்.

சரத்பொன்சேகாவின் கைது தொடர்பாக மானவடுவைத் தவிர ஏனைய அனைத்து இராணுவ அதிகாரிகளிடமும் வாக்கு மூலங் களைப் பெற்றுக்கொண்டுள்ள தாக இலங்கை மனித உரிமை ஆணைக் குழுவின் அதிகாரி ஒருவர் தெரிவித்துள்ளார்.

ஜனாதிபதி தேர்தலுக்குப் பின்னர் மானவடு தனது மனைவியை வெளிநாடு அனுப்பிவைத்தார்.

அத்துடன் மானவடு கடந்த சில தினங் களாக பெரும் மன உளைச்சலுடன் காணப்பட்டதாகவும் தெரிவிக்கப்பட்டது.

மட்டு நகரில் இருந்து படகில் அவுஸ்ரேலியா செல்ல முற்பட்ட 22 பேர் கைது

2010-03-04T12:16:00.000-08:00

மட்டக்களப்பில் இருந்து கடல்வழியாக அவுஸ்ரேலியா செல்ல முற்பட்ட 22 பேர் பொலிசாரினால் கைது செய்யப்பட்டனர்.

மட்டக்களப்பு நாவலடி கரையோர பகுதியில் வீடு ஒன்றில் வைத்து கைது செய்யப்பட்ட 22 பேரும் சிலாபம், உடப்பு, மட்டக்களப்பு பிரதேசங்களை சேர்ந்தவர்கள் என பொலிஸ் கூறியுள்ளனர்.

இவர்களுடன் வான் ஒன்றும் பறிமுதல் செய்யப்பட்டது.கடலோடிகளின் வரைபடங்கள், உலருணவுகள்,திசை அறி கருவிகள், எரிபொருட்கள்,மருந்துப்பொருட்கள் என்பனவும் கைப்பற்றப்பட்டதாக பொலிஸ் கூறியுள்ளது.

சிறீலங்காவில் இடம்பெற்ற பேர்க்குற்றங்கள் தொடர்பில் முழுமையான விசாரணைகள் அவசியம்: நவநீதம்பிள்ளை

2010-03-04T12:15:00.000-08:00

சிறீலங்காவில் நடைபெற்ற போரின் போது எல்லா தரப்பினராலும் மேற்கொள்ளப்பட்ட குற்றங்கள் தொடர்பில் சிறீலங்கா அரசு முழுமையான விசாரணைகளை மேற்கொள்ள வேண்டும். அதற்கு அனைத்துலக சமூகமும் தனது உதவிகளை வழங்கவேண்டும் என ஐ.நாவின் மனித உரிமை ஆணைக்குழுவின் ஆணையாளர் நவநீதம்பிள்ளை தனது அறிக்கையில் தெரிவித்துள்ளார்.

ஜெனீவாவில் நடைபெற்றுவரும் ஐ.நாவின் மனித உரிமைகள் ஆணைக்குழுவின் 13 ஆவது கூட்டத்தொடரில் மனித உரிமை ஆணைக்குழுவின் ஆணையாளர் நவநீதம்பிள்ளை அதன்; வருடாந்த அறிக்கையை இன்று சமர்ப்பித்துள்ளார்.

அதில் மேலும் தெரிவிக்கப்பட்டுள்ளதாவது:

சிறீலங்காவில் அமைதியையும், இனங்களுக்கு இடையிலான நல்லிணக்கப்பாட்டையும் உருவாக்குவதற்கு கிடைத்த சந்தர்ப்பமானது அரசின் நடவடிக்கைகளால் தொடர்ந்து புறம்தள்ளப்பட்டு வரப்படுகின்றது.

அங்கு ஊடகவியலாளர்கள், மனித உரிமை செயற்பாட்டாளர்கள், அரசை விமர்சிப்பவர்கள் மீது மேற்கொள்ளப்படும் நடவடிக்கைகள் அமைதிய ஏற்படுத்தும் சந்தர்ப்பங்களை இல்லாது செய்துள்ளன.

போரின் போது எல்லா தரப்பினராலும் மேற்கொள்ளப்பட்ட குற்றங்கள் தொடர்பில் சிறீலங்கா அரசு முழுமையான விசாரணைகளை மேற்கொள்ள வேண்டும். அது தொடர்பில் அனைத்துலக சமூகமும் தனது உதவிகளை வழங்கவேண்டும் என அவர் தனது அறிக்கையில் தெரிவித்துள்ளார்.

ஐ.நாவின் மனித உரிமைகள் ஆணைக்குழுவின் வருடாந்த கூட்டத்தொடர் மார்ச் மாதம் முதலாம் நாள் ஆரம்பமாகி 26 ஆம் நாள் வரை நடைபெறவுள்ளது இங்கு குறிப்பிடத்தக்கது.

சிறிலங்காவிற்கு இராணுவத் தளபாடங்கள் அன்பளிப்பு.

2010-03-04T00:01:00.000-08:00

சிறிலங்கா இராணுவத்துக்கு சீன அரசாங்கம் இராணுவத் தளபாடங்களை அன்பளிப்பாக வழங்கியுள்ளது. இந்த இராணுவத் தளபாடங்களை இலங்கை அரசிடம் கையளிக்கும் உத்தியோகபூர்வ நிகழ்வு இன்று காலை கொழும்பில் இலங்கை பிரதமரின் அலுவலகத்தில் இடம்பெற்றது.

இந்த நிகழ்வில் இலங்கை இராணுவத்தின் தளபதி லெப்.ஜெனரல் ஜெகத் ஜெயசூரிய உள்ளிட்ட உயர் இராணுவ அதிகாரிகளும் கலந்து கொண்டனர்.

நிகழ்வில் பிரதம விருந்தினராகப் பங்கேற்ற பிரதமர் ரட்ணசிறி விக்கிரமநாயக்கவிடம் இலங்கைக்கான சீனத் தூதுவர் யங் சூபிங், இராணுவ தளபாடங்களை சம்பிரதாயபூர்வமாக கையளித்தார்.

அதேவேளை சீனா வழங்கியுள்ள இராணுவ தளபாட உதவிகளில் சுமார் 50 மில்லியன ரூபா பெறுமதியான கண்ணிவெடிகளை அகற்றும் கருவிகள் மற்றும் கண்ணிவெடிப் பாதுகாப்பு கவசங்கள் அடங்குவதாக தெரியவருகிறது.

ஏற்கனவே கொடிய ஆயுதங்களைக் கொடுத்து தமிழ் மக்களை கொன்றொழித்த விட்டு, மீண்டும் ஆயுத தளபாடங்களை சிறிலங்கா அரசிற்கு, சீன அரசு வழங்குவது மிகவும் கவலைக்குரிய விடயமாகும்.

பிரதம நீதியரசரை வெளிநாடு சென்று திரும்புமாறு அரசு அழுத்தம்

2010-03-04T00:00:00.000-08:00

கடந்த வாரம் இலங்கை உயர் நீதிமன்றத்தால் பொன்சேகாவின் அடிப்படை உரிமை மீறல் மனு விசாரணைக்கு எடுத்துக்கொள்ளப்பட்டது யாவரும் அறிந்ததே. இந்த விசாரணைகளுக்கு முட்டுக்கட்டை போடும் விதத்தில் பிரதம நீதியரசர் அசோக சில்வாவை வெளிநாடு ஒன்றிற்குச் சென்று திரும்புமாறு அரசாங்க உயர் மட்ட அதிகாரிகள் வற்புறுத்தி வருவதாக அதிர்வு இணையம் அறிகிறது. அதாவது சிலவேளைகளில், சரத் பொன்சேகாவை பிணையில் விடுதலை செய்ய உத்தரவு பிறப்பிக்கக்கூடும் என்பதனாலேயே இவ்வாறு பிரதம நீதியரசருக்கு அழுத்தம் கொடுத்திருப்பதாக தெரியவருகிறது.

பிரதம நீதியரசர் அசோக சில்வாவை விட பிரதி நீதியரசர் ஷிராணி பண்டாரநாயக்க அரசாங்கத்திற்கு சார்பாக செயற்படும் நிலை காணப்படுவதால், ஷிராணி தலைமையில் நீதியரசர் குழு பொன்சேகாவின் மனுவை விசாரணைக்கு எடுத்துக்கொள்ள வேண்டும் என்பதற்காகவே அரச உயர் அதிகாரி ஒருவர் இவ்வாறு பிரதம நீதியரசர் அசோக சில்வாவை வெளிநாடு சென்று திரும்புமாறு அழுத்தம் கொடுத்துள்ளாராம்.

இதன் பின்னணி குறித்து பேராசிரியர் ஜீ.எல்.பீரிஸ் ஊடாக நீதியரசர் ஷிராணி பண்டாரநாயக்கவிற்கு தெளிவுபடுத்தப்பட்டுள்ளதாகவும் இதற்குக் காரணம் நீதியரசர் ஷிராணி பேராசிரியர் ஜீ.எல்.பீரிஸிடம் கொழும்பு சட்டபீடத்தில் கல்விகற்ற மாணவி என்பதனால் ஆகும் என்றும் மேலும் சில செய்திகள் தெரிவிக்கின்றன.

இதேவேளை மனித உரிமைகள் வழக்குகளில் கடைபிடிக்க வேண்டிய விதிமுறைகள் தொடர்பாக இலங்கை அரசியல் சாசனத்தின் 126 ஆவது சரத்தில் தெரிவிக்கப்பட்டுள்ளது என்னவெனில், மனித உரிமை வழக்குகளில் நபர் ஒருவருக்கு பாதிப்பு ஏற்படுத்துவதைத் தவிர்ப்பதற்காக வழக்கு விசாரணைகளை இரண்டு மாதங்களுக்குள் நடத்தி முடிக்க வேண்டும் என்பதாகும்.

இருப்பினும் ஷிராணி பண்டாரநாயக்க அரசியலமைப்பை மீறும் வகையில் இரண்டு மாத காலத்திற்கும் மேலாக வழக்கை ஒத்திவைத்துள்ளார் என்று தெரிகிறது. அரசாங்கத்தின் உயர் மட்ட நபரின் அழுத்தங்களுக்கு அடிபணிந்தே சரத் பொன்சேகாவிற்கு பிணை வழங்குவது நிராகரிக்கப்பட்டதாகவும் மேலும் தகவல்கள் தெரிவிக்கின்றன.

பொலிஸ் புலனாய்வு அதிகாரி என கூறி மோசடி செய்த நபர் கைது

2010-03-03T23:58:00.000-08:00

பொலிஸாரின் பெயரைப் பயன்படுத்தி மோசடி செய்த நபர் ஒருவரை கைது செய்துள்ளதாக லங்காதீப பத்திரிகை செய்தி வெளியிட்டுள்ளது.இது பற்றித் தெரியவருவதாவது:-
கொழும்பு, வெள்ளவத்தை பிரதேசத்தில் ஒன்றரை வருடங்களுக்கு முன்னர் காணாமல் போன யாழ்ப்பாண இளைஞர் ஒருவர், பூசா தடுப்பு முகாமில் தடுத்து வைக்கப்பட்டுள்ளதாக உறவினர்களிடம் தெரிவித்து குறித்த சந்தேக நபர் பணம் பெற்றுக் கொண்டுள்ளார்.
தம்மை ஓர் புலனாய்வுத்துறை அதிகாரியாக அறிமுகப்படுத்திய குறித்த நபர், கைது செய்யப்பட்ட இளைஞரை விரைவில் விடுதலை செய்ய ஆவன செய்வதாகவும், அதற்காக ஒன்றரை லட்ச ரூபாவினை செலுத்துமாறும், காணாமல் போனவரின் உறவினர்களிடம் கோரியுள்ளார்.
தடுத்து வைத்துள்ள இளைஞரை விடுவிப்பதாக தெரிவித்து இரண்டு தடவைகள் 42,000 ரூபா பணம் பெற்றுக் கொள்ளப்பட்டுள்ளது.
பொலிஸ் புலனாய்வு அதிகாரி என தம்மை அடையாளப்படுத்தி கொள்ளையில் ஈடுபட்ட குறித்த நபர் ஓர் தமிழ் இளைஞர் எனத் தெரிவிக்கப்படுகிறது. இவர், புலிகளுடன் தொடர்பு என்ற சந்தேகத்தின் பேரில் கைது செய்யப்பட்டு விடுதலை செய்யப்படடிருந்தவர் என்பது குறிப்பிடத்தக்கது.

இலங்கைக்கு மேலும் 5000 பிரான்சு சுற்றுலாப் பயணிகள் -ஜி.எல் பீரிஸ்

2010-03-03T23:57:00.002-08:00

இந்த ஆண்டின் இறுதிக்குள் கூடுதலாக 5000 பிரான்சு சுற்றுலாப் பயணிகளை கவர இலங்கை அரசு இலக்கு நிர்ணயித்துள்ளது. இதை ஏற்றுமதி வளர்ச்சி அமைச்சர் ஜி.எல்.பீரிஸ் தெரிவித்தார்.

சுற்றுச்சூழல் சுற்றுலா மற்றும் மருத்துவச் சுற்றுலா போன்ற சிறப்புச் சுற்றுலாக்கள் தற்போது அரசு முக்கியத்துவம் அளிப்பதாக அவர் தெரிவித்தார். மேற்கத்திய நாடுகளில் இருந்து பயணிகள் பெரும் அளவில் வருவதால் நாட்டின் வளவாய்ப்புகளை முறையாக ஒழுங்குப்படுத்த உறுதிப்படுத்தப்படுவதாக அவர் தெரிவித்துள்ளார்.

இலங்கையில் கடந்த நான்கு மற்றும் ஐந்து ஆண்டுகளாக வளர்ச்சி பெரும் அளவில் ஏற்பட்டுள்ளது என்றும் அமைச்சர் தெரிவித்துள்ளார்.

அதிபர் ராஜபக்சேவுக்கு ரணில் சவால்

2010-03-03T23:57:00.001-08:00

அதிபர் ராஜபக்சே அமைச்சர்களின் எண்ணிக்கையை தேர்தலுக்குப் பிறகு குறைக்க உள்ளதாக கூறியதை குறிப்பிட்ட எதிர்க்கட்சிக் கூட்டணியான ஐக்கிய தேசிய முன்னனியின் தலைவர் ரணில்விக்கரமசிங்கே உடனடியாக அமைச்சர்களின் எண்ணிக்கையை குறைக்க முடியாதா? என்று கேள்வி எழுப்பியுள்ளார்.

அதிபர் தனது வலிமையை நிரூபிக்க தற்போது உள்ள 112 அமைச்சர்களை 35 ஆக ஒரு வாரத்திற்குள் ஏன் குறைக்க முடியாது என்றும் கேள்வி எழுப்பியுள்ளார். எண்ணிக்கையை குறைக்க எந்த தடையம் இல்லாத போது அதிபர் எதற்காக காத்திருக்க வேண்டும் என்று கேள்வி எழுப்பிய ரணில் நம்ப முடியாத உறுதி மொழிகளையே அதிபர் அளித்து வருவதாக தெரிவித்தார்.

முன்னாள் அதிபர் பிரேமதாசா தேர்தலுக்கு முன்னதாக அமைச்சர்களின் எண்ணிக்கையை குறைத்து ஒரு முன்மாதரியை அமைத்ததாக கூறிய ரணில் தற்போது அமைச்சர்கள் பெரும் அளவிலான வசதிகளை அனுபவித்து வருவதாக குற்றம் சாட்டினார்.

சிறீலங்காவால் கைது செய்யப்பட்ட 4000 போராளிகள் எங்கே?

2010-03-03T12:28:00.000-08:00

தடுப்பு முகாம்களில் தடுத்து வைக்கப்பட்டுள்ள முன்னாள் விடுதலைப் புலிப் போராளிகளை தற்போதைய நிலையில் விடுதலை செய்ய முடியாது என சிறிலங்கா படையைச் சேர்ந்த பிரிகேடியர் சுகந்த ரணசிங்க தெரிவித்துள்ளார்.

போராளிகளை விடுதலை செய்யும்படி சர்வதேச மன்னிப்புச் சபை உள்ளிட்ட மனித உரிமைகள் அமைப்புகள் கோரிக்கை விடுத்துள்ள நிலையிலேயே அரசின் இந்தக் கருத்து வெளிவந்துள்ளது.தற்போது 10,732 பேர் தம்மால் தடுத்து வைக்கப்பட்டிருப்பதாகத் தெரிவித்துள்ள ரணசிங்க இவர்கள் புனர்வாழ்வளிக்கப்பட்ட பின்பே விடுவிக்கப்படுவர் என்றும் இதற்கு பல ஆண்டுகள் செல்லலாம் எனவும் தெரிவித்திருக்கிறார்.

இதனிடையே ஏற்கனவே 14,000 போராளிகள் தடுத்து வைக்கப்பட்டிருப்பதாகத் தெரிவித்திருந்த சிறீலங்கா அரசாங்கம் தற்போது 10 732 பேர் மட்டுமே தடுத்து வைக்கப்பட்டிருப்பதாக அறிவித்திருப்பதன் மூலம் எஞ்சியவர்களுக்கு என்ன நடந்தது என்ற சந்தேகம் எழுப்பப்பட்டுள்ளது.

சர்வதேச யுத்தக் குற்ற விசாரணைகளுக்கு ஐ.நா. அதிகாரிகள் மீளவும் வற்புறுத்து - "சனல் - 4' வீடியோ மிக முக்கிய ஆதாரம்

2010-03-03T12:27:00.000-08:00

இலங்கையின் உள்நாட்டு மோதலின் இறுதித் தருணங்களில் இடம்பெற்றிருக்கக் கூடிய யுத்தக் குற்றங்கள் தொடர்பாக சர்வதேச விசாரணைகள் இடம் பெறவேண்டும் என ஐக்கிய நாடுகளின் மூத்த அதி காரிகள் இருவர் வேண்டுகோள் விடுத்துள்ளனர். அவர்களில் ஒருவர் ஐ.நா வின் தற்போதைய அதிகாரி. மற்றவர் ஏற்கனவே இலங்கையில் ஐ.நா. அதிகாரியாகப் பணியாற்றியவர் என்பது குறிப்பிடத்தக்கது.

"சனல் 04' தொலைக்காட்சியினால் காண்பிக்கப்பட்ட தமிழ் இளைஞர்கள் சுட்டுக் கொல்லப்படும் காட்சிகள் நிச்சயமாக யுத்தக் குற்றங்கள் இடம்பெற்றமையை உறுதி செய்கின்றன என ஐக்கிய நாடுகளின் சட்டவிரோதப் படுகொலைகள் குறித்த விசேட அறிக்கையாளர் பிலிப் அல்ஸ்டொன் தெரிவித்துள்ளார்.

ஆஸ்திரேலியாவின் "எஸ்.பி.எஸ்.' தொலைக்காட்சிக்கு வழங்கியுள்ள பேட்டியிலேயே தெரிவித்துள்ள அவர், குறிப்பிட்ட வீடியோ உண்மையானது என மிக உறுதியாகத் தெரிவித்துள்ளதுடன் விடுதலைப் புலிகள் அமைப்பின் உறுப்பினர்கள் சரணடைய முன்வந்தால் அவர்களைச் சுட்டுக் கொல்லுமாறு உத்தரவு பிறப்பிக்கப்பட்டிருந்தால் அது பாரதூரமான விடயம் என்றும் தெரிவித்துள்ளார்.

இதேவேளை, குறிப்பிட்ட தொலைக்காட்சிக்குக் கருத்துத் தெரிவித்துள்ள ஐ.நாவின் இலங்கைக்கான முன்னாள் பேச்சாளர் கோர்டன் வெய்ஸ், ""யுத்தக் குற்றங்களுக்கான தடயங்கள் உள்ளன. பாதுகாப்பு வலயத்திலிருந்து தப்பிய மக்களின் வாக்குமூலங்களே அதற்கான தடயங்களாக உள்ளன'' எனத் தெரிவித்துள்ளார்.

மோதலில் கொல்லப்பட்ட மக்களின் எண்ணிக்கையைத் தெரிவிக்க வேண்டாம் என இலங்கையில் தாம் கடமையில் இருந்த சமயம் கடும் அழுத்தத்திற்கு உள்ளாக்கப்பட்டார் எனவும் கோர்டன் வெ´ஸ் குறிப்பிட்டுள்ளார்.

யுத்தக் குற்றங்கள்ஆஸ்திரேலிய தொலைக்காட்சிக்கு பிலிப் அல்ஸ்டொன் தெரிவித்துள்ளவை வருமாறு:

சர்வதேச மனிதாபிமான சட்டங்களை மீறுவதற்கும் முடிந்தளவிற்கு அதிக எண்ணிக்கையிலானவர்களைக் கொல்வதற்குமான உறுதிப்பாடு காணப்பட்டுள்ளது. "சனல் 04' வீடியோவில் காணமுடிந்த காட்சிகளை யுத்தக் குற்றங்கள் என்ற பிரிவிற்குள் மிகத் தெளிவாக உள்ளடக்கலாம். ஏனெனில், கைதுசெய்யப்பட்டவர்கள் கைகள், கால்கள் கட்டப்பட்ட நிலையில் காணப்படுகின்றனர். அவர்கள் தப்புவதற்கு முயலவில்லை. அவர்களிடம் ஆயுதங்களும் இல்லை. இது குறிப்பிடத்தக்க அளவிலான வெளிப்படையான படுகொலை.

தெளிவாக இது ஒரு யுத்தக் குற்றம். இதேவேளை, விடுதலைப் புலிகளின் சிரேஷ்ட உறுப்பினர்கள் சரணடைய முன்வந்தவேளை அவர்கள் கைதுசெய்யப்படுவார்கள், யுத்தக் கைதிகளாக நடத்தப்படுவார்கள் போன்ற எண்ணம் நிலவியது. விடுதலைப் புலிகள் அமைப்பின் உறுப்பினர்களைக் கைதுசெய்தால் அவர்களைச் சுட்டுக் கொல்லுங்கள் என்ற உத்தரவு வழங்கப்பட்டதா என்ற கேள்வி உள்ளது. அவ்வாறான உத்தரவொன்று வழங்கப்பட்டிருந்தால் அது பாரிய பிரச்சினையாகும் .இதேவேளை, "சனல் 04' ஒளிநாடாவை ஆராய்ந்த தொழில்நுட்பவியலாளர்கள் அனைவரும் இத்துறையில் மிகத் திறமைசாலிகளாக விளங்குபவர்கள்.

அவர்கள் அனைவரும் இது உண்மையான சம்பவம் எனத் தெரிவித்தனர். ஒளிநாடா போலியானதாக இருக்க முடியாது - அது போலியானதாக இருக்க முடியாது என்பதற்கு அவர்கள் பல காரணங்களை முன் வைத்தனர். ஆகவே, இலங்கையில் கைது செய்யப்பட்டவர்கள் சுட்டுக் கொல்லப்பட்டமையைக் காண்பிக்கும் வீடியோ உண்மையானது என்ற உறுதியான நிலைக்கு வரமுடியும் என்றார் அவர்.

இதேவேளை, இலங்கையில் யுத்த மோதல்கள் உச்சமடைந்த சமயம் இலங்கையில் ஐ.நா. விடயங்களுக்கான பேச்சாளராக இருந்த கோர்டன் வெய்ஸ் இவ்விடயங்கள் குறித்துக் கூறியவை வருமாறு:

முற்றுகைக்குள்ளான பாதுகாப்பு வலயங்களுக்குத் தொடர்ச்சியாக மனிதாபிமான உதவிகளை வழங்குவதற்கு நாங்கள் முயற்சிகளை மேற்கொண்டோம். எனினும், எமது முயற்சிகளுக்குப் பல மட்டங்களில் தடைகள் விதிக்கப்பட்டன. முற்றுகை காரணமாக மக்கள் பட்டினி நிலைக்குத் தள்ளப்பட்டனர். தகவல்கள் வெளிவருவதைத் தடுப்பதிலும் உண்மைகளை மறுப்பதிலும் இலங்கை அரசு மிகவும் திறமையாகச் செயற்பட்டது.

மக்கள் கொல்லப்படுவதை அரசு நிராகரித்தது. மக்கள் கொல்லப்படுவது குறித்த தகவல்களை நாங்கள் வெளிப்படுத்தினால் அரசு அதனை முதலில் பகிரங்கமாக நிராகரித்தது; கண்டித்தது. பின்னர் தகவலை வெளிப்படுத்தியவரை வெளிவிவகார அமைச்சிற்கு அழைத்துக் கண்டித்தது. நாட்டிலிருந்து வெளியேற்றப் போவதாக மிரட்டியது. இவ்வாறான அழுத்தங்கள் மிகக் கடினமானவை. இவ்வாறான சூழ்நிலைகளில் செயற்படுவதும் மிகக் கஷ்டமானது. இலங்கையில் நடந்தது இரகசிய யுத்தம்.

தற்போது அது முடிவடைந்துவிட்டது. எனினும், பல கேள்விகள் பதிலளிக்கப்படாமல் உள்ளன. பல மாதங்களாக இலங்கை ஜனாதிபதி, ஐ.நா. செயலாளர் நாயகத்திடம் கனரக ஆயுதங்களைப் பயன்படுத்தவில்லை எனக் குறிப்பிட்டுவந்தார். இரு நாடுகளின் தலைவர்கள் பேசும்போது அந்தப் பேச்சு நல்லெண்ண அடிப்படையில் அமைந்திருக்க வேண்டும். வாக்குறுதிகள் நடைமுறைப்படுத்தப்படவேண்டும். 30,000 முதல் 40,000 பேர் கொல்லப்பட்டிருக்கலாம் மோதலின் இறுதிக் காலத்தில் சுமார் பத்தாயிரம் முதல் நாற்பதாயிரம் மக்கள் கொல்லப்பட்டனர் என்பதே ஓரளவு ஏற்றுக்கொள்ளத்தக்க மதிப்பீடாக அமையும்.

அநேகமாக இது முப்பதாயிரம் முதல் நாற்பதாயிரம் வரையாக இருக்கலாம். விடுதலைப் புலிகளின் மூத்த தலைவர்கள் சரணடையும் விடயத்தில் ஐ.நாவும் தொடர்புபட்டிருந்தது. நோர்வேயும் தொடர்புபட்டிருந்தது. சில சுயாதீன தரப்பினர் மற்றும் விடுதலைப் புலிகளுடன் தொடர்பு வைத்திருந்த சில பத்திரிகையாளர்களும் தொடர்புபட்டிருந்தனர். யுத்தக் குற்றங்கள் தொடர்பான தடயங்கள் உள்ளன. முற்றுகையிலிருந்து தப்பிய ஆயிரக்கணக்கான மக்களின் சாட்சியங்களிலேயே இதற்கான தடயங்கள் உள்ளன. எனக் குறிப்பிட்டுள்ளார்.

சரத்பொன்சேகா இராணுவ நீதிமன்றில் விரைவில் நிறுத்தப்படுவார்: ஜகத் ஜயசூரிய

2010-03-03T12:23:00.002-08:00

ஜெனரல் சரத் பொன்சேகாவிற்கு எதிரான இராணுவ நீதிமன்றம் எதிர்வரும் வெள்ளிக்கிழமை அல்லது திங்கட்கிழமை நிறுவப்படும் என சிறீலங்காவின் இராணுவத் தளபதி லெப்டினன் ஜெனரல் ஜகத் ஜயசூரிய தெரிவித்துள்ளார்.

ஜெனரல் சரத் பொன்சேகாவிற்கு எதிரான சாட்சி திரட்டும் பணிகள் நிறைவடைந்துள்ளதாக அவர் தெரிவித்துள்ளார். தமக்குக் கிடைக்கப் பெற்ற தரவுகள் மற்றும் இராணுவ சட்டப் பிரிவின் பரிந்துரைகளின் அடிப்படையில் சட்ட நடவடிக்கை எடுக்கப்படும் என அவர் குறிப்பிட்டுள்ளார்.

இராணுவ நீதிமன்றில் விசாரணை மேற்கொள்ளும் அதிகாரிகள் தொடர்பில் இதுவரையில் தீர்மானிக்கப்படவில்லை எனவும் அவர் தெரிவித்துள்ளார்.

புலம்பெயர் தமிழர்போராட்டங்களால் சிறீலங்காவுக்கு நெருக்கடி: சிங்கள இணையம்

2010-03-03T12:23:00.001-08:00

சிறீலங்காவின் ஆடை உற்பத்தி மற்றும் ஏற்றுமதியானது, புலம்பெயர் தமிழர் போராட்டங்களால் பாதிக்கப்பட்டுள்ளதாக சிங்கள இணைய தளம் கூறியுள்ளது.

சிறீலங்காவில் 350 ஆடை தொழிற்சாலைகள் இயங்குகின்றன. மூன்று இலட்சம் தொழிலாளர்கள் இந்த தொழிற்சாலைகளில் பணியாற்றுகின்றார்கள். 2008 ஆம் ஆண்டு நான்காயிரம் கோடி ரூபாவுக்கு ஏற்றுமதி செய்யப்பட்டது. ஆனால் இந்த ஆண்டு இந்த அடைவினை எட்ட முடியாது என கூறப்பட்டுள்ளது.

மேற்கூறிய ஆய்வினையும் எதிர்வு கூறலையும் உள்ளடக்கியுள்ள அந்த கட்டுரையானது இந்த பின்னடைவுக்கு காரணம் ஐரோப்பிய ஒன்றியம் வரி சலுகையினை நிறுத்தியுள்ளமை, அமெரிக்காவில் புலம்பெயர் மக்கள் நடத்தும் இலங்கை ஆடை கொள்வனவு செய்வதனை புறக்கணிக்கும் போராட்டம், பிரித்தானியாவில் நடைபெற்ற போராட்டங்களை சுட்டிக்காட்டியுள்ளார்கள்.

சிறீலங்கா அரசு எப்படித்தான் சில விடயங்களை மூடி மறைத்தாலும், அல்லது சாதகமாக விவாதித்தாலும் உண்மை என்னவெனில் சிறீலங்கா ஆடை ஏற்றுமதியில் வீழ்ச்சியினை சந்திக்கின்றது என்பதனை மாற்றவோ, மறுக்கவோ முடியாது எனவும் கூறப்பட்டுள்ளது.

சிறீலங்கா அரசாங்கம் ஐரோப்பிய சந்தைகளையும் அமெரிக்க சந்தைகளையும் இழந்து கொண்டிருக்கின்றது. இந்த இழப்புக்களுக்கு காரணமாக இன்னொரு முக்கிய காரணி இருக்கின்றது. அதாவது சிறீலங்கா அரசாங்கம் போர்க்குற்றத்தில் ஈடுபட்டுள்ளது என்ற உலகளாவிய பிரச்சாரமும் குற்றச்சாட்டும் இதற்கு உதாரணமாகும்.

ஐரோப்பிய, அமெரிக்க சந்தைகள் சிறீலங்கா ஆடைகளின் ஏற்றுமதியில் 50 விழுக்காடு நுகர்வினை உள்வாங்குகின்றன. இந்த 50 விழுக்காடு ஏற்றுமதிக்கான சந்தைகளை உடனடியாக வேறு இடங்களில் பெற்றுக்கொள்ள முடியாது. ஆசியாவில் அரசாங்கம் பெற முடியும் என நம்புவது, பிரச்சாரம் செய்வது போலியானது எனவும் அந்த கட்டுரை தெரிவிக்கின்றது.

மெரேக் துறைமுகத்தில் தடுத்து வைக்கப்பட்டிருக்கும் தமிழ் அகதிகள் உண்ணாவிரதத்தைக் கைவிட்டனர்

2010-03-03T12:18:00.002-08:00

இந்தோனேசியாவின் மெரேக் துறைமுகத்தில் உள்ள படகில் உள்ள இலங்கை அகதிகளின் பேச்சாளர் அலெக்ஸ் இந்தோனேசிய அதிகாரிகளினால் கடத்தப்பட்டிருக்கலாம் என சந்தேகிக்கப்படுவதாக இந்தோனிசியாவில் தடுத்து வைக்கப்பட்டிருக்கும் தமிழ் அகதிகள் உண்ணாவிரதத்தைக் மேற்கொண்டு தற்போது உண்ணாவிரதப் போராட்டத்தைக் கைவிட்டுள்ளனர்.

குடிவரவு அதிகாரிகளுடன் நடத்திய பேச்சுவார்த்தையைத் தொடர்ந்தே இந்த முடிவு எடுக்கப்பட்டுள்ளது. அடுத்த மூன்று நாட்களுக்குள் ஐநா அகதிகள் தொடர்பான அதிகாரிகளை குறித்த இடத்திற்கு அழைத்து வர இந்தோனிசிய குடிவரவு அதிகாரிகள் இணங்கியுள்ளதாகவும் இதனைத் தொடர்ந்தே தாம் கடந்த 7 நாட்களாக நடத்தி வந்த உண்ணாவிரதத்தைக் கைவிட்டுள்ளதாகவும் தெரிவிக்கப்படுகின்றது.

தடுத்து வைக்கப்பட்டுள்ள இளம் பெண்களை சிறீலங்கா இராணுவம் கடுமையாக துன்புறுத்துகின்றது

2010-03-03T12:18:00.001-08:00

வவுனியா முகாம்களில் தடுத்து வைக்கப்பட்டுள்ள இளம் பெண்களை சிறீலங்கா இராணுவம் கடுமையாக துன்புறுத்துவதாக வவுனியா தகவல்கள் தெரிவித்துள்ளன.

சிறீலங்கா இராணுவத்தின் கட்டுப்பாட்டில் உள்ள வவுனியா தடுப்பு முகாம்களில் உள்ள இளம்பெண்களை சிறீலங்கா இராணுவம் அதிக துன்புறுத்தல்களுக்கு உள்ளாக்கி வருகின்றது. குறிப்பாக பெண் இராணுவத்தினர் அதிக துன்புறுத்தல்களை மேற்கொண்டு வருகின்றனர்.

இது தொடர்பில் அனைத்துலக விசாரணைகள் மேற்கொள்ளப்பட்டால் தம்மால் காத்திரமான ஆதாரங்களை சமர்ப்பிக்க முடியும் என பொது அமைப்புக்களை சேர்ந்த பிரதிநிதிகள் தெரிவித்துள்ளனர். மேலும் தடுப்புக்காவலில் உள்ள பெருமளவான பெண்கள் அண்மையில் செட்டிக்குளம் முகாம் பகுதியில் உள்ள தனிமைப்படுத்தப்பட்ட வேறு வலையங்களுக்கு கொண்டு செல்லப்பட்டுள்ளதாகவும், அவர்கள் கடுமையான கட்டுப்பாடுகளுடன் தடுத்து வைக்கப்பட்டுள்ளதாகவும் தெரிவிக்கப்படுகின்றது.

அவர்களை பார்வையிடுவதற்கு உறவினர்களுக்கும் அதிக கட்டுப்பாடுகள் விதிக்கப்பட்டுள்ளன. இவ்வாறு கொண்டு செல்லப்படுபவர்கள் இரு தொகுதி உடைகளையே கொண்டு செல்ல அனுமதிக்கப்பட்டுள்ளதுடன், அவர்களை பூசா தடுப்பு முகாம்களுக்கு அனுப்பப்போவதாக படையினர் மிரட்டி வருகின்றனர்.

இதனிடையே பூசா தடுப்பு முகாமுக்கு கொண்டு செல்லப்பட்டவர்கள் மிகவும் குறுகிய அறைகளுக்குள் அடைக்கப்பட்டு துன்புறுத்தப்படுவதாக நேரில் கண்டவர்கள் தமிழநெற் இணையத்தளத்திற்கு தெரிவித்துள்ளனர்.

விடுதலைப்புலிகள் அமைப்பில் இருந்தவர்கள் அமைப்பில் இருந்தவர்களையே திருமணம் செய்துள்ளதால் பெண்களை தனிமைப்படுத்தி துன்புறுதல்களை மேற்கொண்டுவரும் சிறீலங்கா படையினர் நாட்டில் இருந்து வெளியேறியவர்கள் தொடர்பில் தகவல்களை பெற முயன்று வருவது குறிப்பிடத்தக்கது.

யாழ் நோக்கி படையெடுத்து வரும் சிங்களர்கள் - தமிழர்கள் மத்தியில் அதிருப்தியையும், சந்தேகத்தையும் ஏற்படுத்தியுள்ளது

2010-03-01T11:16:00.000-08:00

யாழ்குடா நோக்கி அதிக எண்ணிக்கையில் வரும் சிங்கள் மக்களின் வருகையால் பல நெருக்கடிகளும், மாற்றங்களும் தமிழ் மக்கள் மத்தியில் கடும் அதிருப்தியையும், சந்தேகத்தையும் ஏற்படுத்தியுள்ளது.

கொழும்பிலிருந்து பெரும் தொகை பணத்தை செலவு செய்து யாழ் வரும் சிங்களவர்கள், யாழ்ப்பாணத்தில் நடந்து கொள்ளும் முறை மற்றும் அவர்களின் பின்புலங்கள் கடும் அதிருப்தியை ஏற்படுத்தியுள்ளன. அளவுக்கு அதிகமாக அவர்கள் வருகை தருவதால் தாம் பெரும் நெருக்கடிகளுக்கு உள்ளாவதுடன் சுகாதார மற்றும் கலாச்சார நெருக்கடிகளை பாரியளவில் எதிர் நோக்குவதாக மக்கள் குற்றம் சுமத்தியுள்ளனர்.

எவ்வித ஆயத்தமும் இன்றி கொழுபிலிருந்து வரும் இவர்கள் தங்குவதற்கு இடம் தேவை என தமது நண்பர்கள் மற்றும் சகபாடிகளிடம் கேட்கின்றனர். அவர்கள் தங்குவதற்கான இடங்களை ஒழுங்குபடுத்திய பின்னர் பணம் கொடுக்க மறுப்பது பலர் மத்தியில் கடும் விசனத்தை ஏற்படுத்தியுள்ளது.

அதேநேரம் காணாமல் போன படையினரின் குடும்பங்கள் மற்றும் அங்கவீனமடைந்த படையினரின் குடும்பங்களை ஏமாற்றி, அவர்களுக்கு சில ஆயிரங்கள் கொடுப்பனவு செய்து, உங்கள் உறவுகள் தமிழ் மக்களின் நிலங்களில் போராடிய இடங்களை சென்று பார்வையிட்டு வாருங்கள் என அரசியல் வாதிகளால் அனுப்பி வைக்கப்படுகின்றனர்.

அத்துடன் தென்னிலங்கையில் வீதி அனுமதிப்பத்திரம் பெற விண்ணப்பிக்கும் தனியார் பேருந்துகள் யாழ்ப்பாணத்துக்கு படை அதிபாரிகள் மற்றும் அரசியல் வாதிகளுக்கு நெருக்கமானவர்களின் குடும்பங்களை ஏற்றி சென்றாலே தவிர மற்றும்படி அவ் வீதி அனுமதிப்பத்திரம் வழங்கப்படாது என மிரட்டப்படுகின்றனர்.

அழிந்துபோயுள்ள யாழ்ப்பாணத்தையும், வன்னியையும் பார்க்க இவ்வளவு தொகையான சிங்களவர் வருவது போரின் வடுக்களைத் தாங்கியுள்ள தமிழ் மக்களின் மனங்களில் தொடர்ந்தும் வடுக்களை விதைக்கும் என மனித உரிமை ஆர்வலர்கள் கவலை வெளியிட்டுள்ளனர்.

கொழும்பில் அரசஆதரவாளர்களினால் பிரித்தானிய தூதரகம் முன் ஆர்ப்பாட்டம்

2010-03-01T11:15:00.000-08:00

சிறீலங்கா அரசின் ஆதரவுடன் இயங்கும் அதன் துணை கட்சியான விமல் வீரவன்சா தலைமையிலான தேசிய சுதந்திர முன்னனி இன்று காலை பிரித்தானியா தூதரகத்திற்கு முன்பாக ஆர்ப்பாட்டம் ஒன்றை மேற்கொண்டுள்ளனர்.

கடந்த புதன்கிழமை (24) பிரித்தானியாவில் நடைபெற்ற உலகத் தமிழர் பேரவையின் மாநாட்டில் பிரித்தானியா பிரதமர் உட்பட பெருமளவான உறுப்பினர்கள் கலந்துகொண்டதற்கு எதிர்ப்பு தெரிவித்தே இந்த ஆர்ப்பாட்டம் மேற்கொள்ளப்பட்டுள்ளது.

இந்த ஆர்ப்பாட்டத்தில் கலந்துகொண்ட மகிந்த ராஜபக்சாவின் ஆதரவாளர்கள் பிரித்தானியா பிரதமர் கோடன் பிரவுண் மற்றும் வெளிவிவகார அமைச்சர் டேவிட் மில்லிபான்ட் ஆகியோரின் புகைப்படங்களுக்கு வரிப்புலி உடை வர்ணம் தீட்டியிருந்தனர்.

அரசினால் நடத்தப்பட்ட இந்த ஆர்ப்பாட்டம் குறித்து பிரித்தானியா தூதரகம் முறைப்பாட்டை மேற்கொண்டுள்ளதா என பிரித்தானியா தூதரக பேச்சாளரிடம் கேட்ட போது பிரித்தானியா எந்த கருத்தையும் தெரிவிக்கவில்லை என அவர் தெரிவித்துள்ளார்.

சிறீலங்கா அரசே இந்த ஆர்ப்பாட்டத்தை நடத்தியுள்ளது என்பது வெளிப்படையாக தெரிந்த போதும் பிரித்தானியா தூதரகம் அது தொடர்பில் முறைப்பாடுகளை மேற்கொள்ளவில்லை என சிறீலங்காவின் வெளிவிவகார அமைச்சகம் தெரிவித்துள்ளது.

ஐந்து நிமிடமேனும் தங்கியிருக்க முடியாத அறையிலேயே ஜெனரல் பொன்சேகா

2010-03-01T11:14:00.000-08:00

ஐந்து நிமிடமேனும் தங்கியிருக்க முடியாத ஒரு இடத்திலேயே ஜெனரல் பொன்சேகா தடுத்து வைக்கப்பட்டுள்ளார். அவருக்கு சுக போக வசதிகள் ஏற்படுத்திக் கொடுத்திருப்பதாக அரசாங்கத்தினால் வெளியிடப்படுகின்ற தகவல்களில் எந்தவிதமான உண்மையும் இல்லை. அனைத்தும் அப்பட்டமான பொய் என்று அவரது பாயார் அனோமா பொன்சேகா தெவித்தார்.

ஜனநாயக தேசியக் கூட்டணியின் தலைவரும் கொழும்பு மாவட்ட தலைமை வேட் பாளருமான ஜெனரல் சரத் பொன்சேகாவைப் பிரதிநிதித்துவப்படுத்தி பிரசார நடவ டிக்கையில் இறங்கியுள்ள அனோமா பொன்சேகா நேற்று ஞாயிற்றுக்கிழமை கட்சிக்காரியாலயத்தில் நடைபெற்ற செய்தியாளர் மா நாட்டிலேயே மேற்கண்ட தகவலைத் தெரிவித்தார்.

இங்கு அவர் மேலும் கூறுகையில், ஜெனரல் சரத் பொன்சேகாவைப் பொறுத்தவரையில் அவர் இந்நாட்டை மீட்பதற்காகப் பாடுபட்டவர். 30 வருட கால யுத்தத்தில் அவர் வெற்றியும் கண்டுள்ளார். எந்தக் கட்சியையும் சாராதிருக்க வேண்டும் என்ற அவரது தூரநோக்கு காரணமாகவே இந்த புதிய கூட்டணி அமைக்கப்பட்டு தேர்தலிலும் போட்டியிடுகின்றார்.

இந்த கூட்டணியூடாக இந்நாட்டில் இடம்பெறுகின்ற அநியாயங்கள் சட்ட விரோதங்கள், உண்மைக்குப் புறம்பான நடவடிக்கைகள் ஆகியவற்றுக்கு எதிராகவே போராட்டம் ஆரம்பிக்கப்பட்டுள்ளது. நாட்டை சுதந்திரமாக்கிய எனது கணவர் இங்கு ஜனநாயகத்துடனான நல்லாட்சியை ஏற்படுத்திக் கொடுக்க வேண்டும் என்ற சிந்தனையுடன் செயற்பட்டு வருகின்றார். இது தொடர்பில் அவர் மாறாத மன உறுதியுடனும் இருக்கின்றார்.

எனவேதான் அநியாயம் தோற்கடிக்கப் பட்டு நீதியும் நியாயம் வெற்றியடைய வேண்டும் என்றும் அவரது நிலைப்பாடு வெளிப்பட்டுள்ளது. இதனை நாட்டு மக்கள் நிறைவேற்றி வைக்க வேண்டும் என்பது கோரிக்கையாகும்.

சகலவிதமான இக்கட்டுக்களில் இருந்தும் இந் நாட்டை மீட்சி பெறச் செய்வதற்கு எதிர்வரும் பொதுத்தேர்தல் இறுதி சந்தர்ப்பமாக அமைந்துள்ளது. அந்த சந்தர்ப்பத்தை நாம் பயனுள்ளதாக மாற்றியமைத்துக் கொள்ள வேண்டும்.

இராணுவப் பொலிஸானால் கைது செய்யப்பட்டு, சிறைப்படுத்தப்பட்டுள்ள எனது கணவருக்கு சகல வசதிகளும் ஏற்படுத்திக் கொடுக்கப்பட்டுள்ளதாக அரசாங்கம் பொய்யான பிரசாரங்களை மேற்கொண்டு வருகின்றது. தினம் அவரை சந்தித்து வருகின்றமையால் அங்கு அவ்வாறான வசதிகள் எதுவும் ஏற்படுத்திக் கொடுக்கப்படவில்லை என்பதையும் இவ் விடயத்தில் அரசாங்கம் அப்பட்டமான பொய்யையே கூறுகின்றது என்பதையும் என்னால் பொறுப்புடன் அச்சமின்றி கூற முடியும்.

இவ்வாறு கூறுவோர் எனது கணவர் தடுத்து வைக்கப்பட்டுள்ள அறையில் 5 நிமி டங்கள் தங்கியிருந்து காட்ட முடியுமா எனக் கேட்க விரும்புகிறேன். இவ்வாறான அநீதிக ளுக்கு எதிராகவே நாம் போராட வேண்டி யுள்ளது.

விஷேடமாக பெண்களைப் பொறுத்தவ ரையில் இன்று எனக்கு ஏற்பட்ட நிலை நாளை உங்களுக்கும் ஏற்படலாம். எனவே அதனை எதிர்கொள்வதற்கு என்னோடு இணைந்து கொள்ளுமாறு கேட்டுக் கொள்கி றேன்.

ஊடகங்கள் பொன்சேகாவின் உண்மை நிலைமைகளை வெளிப்படுத்த வேண்டும் என்றும் கோக்கை விடுக்கிறேன். எனது கண வர் உள்ளிட்ட மேலும் பல இராணுவ அதிகா களும் சிறைவாசம் அனுபவித்து வருகின்ற னர். இவர்களை விடுவிப்பது தொடர்பில் மக் களே தீர்ப்பளிக்க வேண்டும் என்றார்.

அலெக்ஸ் இந்தோனேசிய அதிகாரிகளால் கடத்தலா!

2010-03-01T11:13:00.000-08:00

இந்தோனேசியாவின் மெரேக் துறைமுகத்தில் உள்ள படகில் உள்ள இலங்கை அகதிகளின் பேச்சாளர் அலெக்ஸ், இந்தோனேசிய அதிகாரிகளால் கடத்தப்பட்டிருக்கலாம் என சந்தேகிக்கப்படுகிறது.

244 இலங்கை அகதிகளின் பேச்சாளராக முன்வந்த அவர், தமது கப்பலை சுற்றி ரோந்து வரும் படகுகள் தொடர்பிலான சர்ச்சைக்குரிய தகவல்களை ஊடகங்களுக்கு வெளியிட்டு வந்தார். இந்த நிலையில் அவர் இந்தோனேசிய அதிகாரிகளால் கடத்தப்பட்டிருக்கலாம் என தகவல்கள் வெளியாகியுள்ளன.

முன்னதாக அவர் படகில் இருந்து தப்பி சென்றுள்ளதாக தகவல்கள் வெளியாகின. எனினும், படகை சுற்றிலும் பாரிய பாதுகாப்பு பலப்படுத்தப்பட்டுள்ள நிலையில், அவரால் தப்பி செல்வதற்கு ஏதுவான சூழ்நிலை காணப்படவில்லை.

இந்த நிலையில் அவர் தப்பி சென்றிருக்க வாய்ப்புகள் இல்லை என கூறப்படுகிறது. எனவே அவர், கடத்தி செல்லப்பட்டிருக்கலாம் என கூறப்படுகிறது.

பொன்சேகாவை விடுவிக்கக்கோரி ஆஸ்திரேலியாவில் புலம்பெயர் சிங்களவர்கள் ஆர்ப்பாட்டம்

2010-03-01T11:12:00.000-08:00

சிறிலங்காவின் முன்னாள் இராணுவ தளபதி சரத் பொன்சேகாவை விடுவிக்கவேண்டும் என்று கோரி ஆஸ்திரேலியாவில் உள்ள புலம்பெயர்ந்த சிங்கள மக்கள் கடந்த 26 ஆம் திகதி ஆஸ்திரேலியாவின் அரசியல் தலைநகரமான கன்பராவில் ஆர்ப்பாட்டம் ஒன்றை நடத்தியுள்ளனர்.

சிறிலங்காவில் ஜனநாயகத்தை பாதுகாக்க பாடுபடுபவர்கள் என்ற அமைப்பு ஒழுங்கு செய்த இந்த ஆர்ப்பாட்டப்பேரணிக்கு ஆஸ்திரேலியாவின் எல்லா மாநிலங்களிலிருந்தும் கலந்துகொள்ளுமாறு சிறிலங்காவின் புலம்பெயர்ந்த மக்களுக்கு அழைப்புவிடுக்கப்பட்டிருந்தது.

கடந்த 26 ஆம் திகதி கன்பராவில் அமைந்துள்ள சிறிலங்கா தூதரகத்தின் முன்பாக நடைபெற்ற இந்த ஆர்ப்பாட்டத்தில், அனோமா பொன்சேகா தொலைபேசியில் பேசியிருந்தார். பொன்சேகாவை விடுதலை செய்யும் வரை தமது போராட்டம் ஓயாது என்று ஆர்ப்பாட்டத்தில் கலந்துகொண்டவர்கள் அங்கு அறிவித்துள்ளனர்.

தாயகத்தில் சிறிலங்கா படைகளினால் மேற்கொள்ளப்படும் மனித பேரவலத்தை நிறுத்தக்கோரி கடந்த வருடம் ஏப்ரல் 4 ஆம் திகதி மெல்பேர்னில் தமிழ் மக்கள் மேற்கொண்ட வாகன பேரணி மீது ஆஸ்திரேலியா வாழ் புலம்பெயர்ந்த சிங்கள மக்களில் ஒருபகுதியினர் தாக்குதல் நடத்தியமையும் அதில் பல வாகனங்கள் சேதமடைந்தமையும் பலர் படுகாயமடைந்தமையும் குறிப்பிடத்தக்கது.

ஐனவரி முதல் 23 பேர் காணாமல் போயுள்ளனர்: இலங்கை மனித உரிமை ஆணைக்குழு

2010-02-28T00:18:00.002-08:00

கடந்த ஐனவரி மாதம் முதல் இன்று வரையிலான காலப்பகுதியில் 23 பேர் காணாமல் போயுள்ளதாக இலங்கை மனித உரிமை ஆணைக்குழு தெரிவித்துள்ளது.

காணாமல் போனோர் தொடர்பில் 17 முறைப்பாடுகள் தமது ஆணைக்குழுவில் பதியப்பட்டுள்ளதாக அந்த நிறுவனம் சுட்டிக்காட்டியுள்ளது.

இதில் 8 முறைப்பாடுகள் ஐனவரி மாதத்திலும், 9 முறைப்பாடுகள் பெப்ரவரியிலும் கிடைக்கப்பெற்றுள்ளன.

காணாமல் போனோர் அதிகளவு வடக்கு - கிழக்கில் உள்ளடங்குவதாக இலங்கை மனித உரிமை ஆணைக்கு மேலும் தெரிவித்துள்ளது.

பொன்சேகாவின் செயலாளர் சேனக கரிப்பிரியா டி சில்வாவை நாடுகடத்துமாறு பெல்ஜியம் கோரிக்கை

2010-02-28T00:18:00.001-08:00

பெல்ஜியத்தில் சட்டவிரோத நடவடிக்கைகளை மேற்கொண்டதற்காக சிறைத்தண்டனை விதிக்கப்பட்ட பொன்சேகாவின் பிரதான செயலாளரும், அரச தலைவர் தேர்தல் பிரச்சார முகாமையாளருமான சேனக கரிப்பிரியா டி சில்வாவை நாடுகடத்துமாறு பெல்ஜியம் சிறீலங்கா அரசை கோரியுள்ளதாக தெரிவிக்கப்படுகின்றது.

இது தொடர்பில் மேலும் தெரியவருவதாவது:

இந்தவாரம் பொன்சேகாவுக்கு மிகவும் நெருக்கடியான வாரமாக அமைந்துள்ளது. சிறீலங்காவின் குற்றப்புலனாய்வுத் துறையினர் புதிய தலைவலி ஒன்றை ஏற்படுத்தியுள்ளனர். பொன்சேகாவின் பிரதான செயலாளரும், அரச தலைவர் தேர்தல் பிரச்சார முகாமையாளருமான சேனக கரிப்பிரியா ஆர்னோல்ட் டி சில்வா ஒரு குற்றவாளி என சிறீலங்கா அரசு தெரிவித்துள்ளது.

சேனகா ஜெனரல் பொன்சேகாவுடன் மும்பாய்க்கு சென்றிருந்தபோதும், பின்னர் அரச தலைவர் தேர்தல் வேட்புமனுவை பொன்சேகா தாக்கல் செய்யும் போது அவரை பொதுமக்கள் அறிந்துகொண்டனர். ஆனால் இந்த வாரம் கொழும்பில் உள்ள குற்றப்புலனாய்வுத் துறையினருக்கு பெல்ஜியம் நாட்டு காவல்துறையினர் சில ஆவணங்களை அனுப்பியுள்ளனர்.

சேனகா சில்வாவை உடனடியாக நாடுகடத்துமாறு அதில் கோரப்பட்டுள்ளது. 2004 ஆம் ஆண்டு பெல்ஜியம் நாட்டில் உள்ள வங்கி ஒன்றின் கணக்குகளை தவறாக பயன்படுத்திய சேனகா அதில் இருந்த பணத்தை வேறு ஒருவரின் பெயரில் உள்ள கணக்கிற்கு மாற்றியதாகவும் அதன் பின்னர் அவர் தலைமறைவாகி விட்டதாகவும் தெரிவிக்கப்படுகின்றது.

அவர் சமூமளிக்காமல் நடைபெற்ற வழக்கு விசாரணைகளில் அவருக்கு 2 வருட சிறைத்தண்டனை விதிக்கப்பட்டிருந்தது. இதுவரை காலமும் அவரின் இருப்பிடம் தெரியாது இருந்த பெல்ஜியம் காவல்துறையினர், கடந்த அரச தலைவர் தேர்தலில் அவர் வெளியே வந்தவுடன் அடையாளம் கண்டுகொண்டுள்ளனர். எனினும் பெல்ஜியத்திற்கும், சிறீலங்காவுக்கும் இடையில் நாடுகடத்தும் ஒப்பந்தங்கள் இல்லை என்பதால் குற்றப்புலனாய்வுத் துறையினர் இது தொடர்பில் அக்கறை எடுக்கவில்லை.

ஆனால் இது தொடர்பில் நீதியாளர் அலுவலகம் ஆராய்ந்து வருவதாக தெரிவிக்கப்படுகின்றது. இதனிடையே, கொள்ளையில் ஈடுபட்டதற்காக சேனக 1980 ஆம் ஆண்டு வெலிக்கடை சிறையில் 3 வருடங்களும், 6 மாதமும் சிறைத்தண்டனையை அனுபவித்ததாகவும், இராணுவத்தில் அவர் மீது ஒழுக்காற்று நடவடிக்கை மேற்கொள்ளப்பட்டதாகவும் குற்றப்புலானாய்வுத்துறையினர் தெரிவித்துள்ளதும் இங்கு குறிப்பிடத்தக்கது.

டென்மார்க்கில் வட்டுக்கோட்டைத் தீர்மானம் மீதான வாக்களிப்பு

2010-02-28T00:16:00.000-08:00

தமிழர்களுக்கு இறைமையுள்ள சுதந்திர தனிநாட்டை வலியுறுத்தும் வட்டுக்கோட்டைத் தீர்மானம் மீதான வாக்கெடுப்பு புலம்பெயர் தமிழர்கள் வாழும் நாடுகளில் நடந்து வருகின்றது.

இதன்படி டென்மார்க் நாடு முழுவதும் அமைக்கப்பட்டுள்ள 32 வாக்களிப்பு நிலையங்களில் இத்தேர்தல் இன்று ஞாயிற்றுக்கிழமை நடக்கவுள்ளது. இந்த வாக்களிப்பு சமூகவியல் மற்றும் பொதுமக்கள் கருத்து ஆய்வுச் சேவைகளில் சிறப்புப் புலமை பெற்ற டி.என்.எஸ் கலப் இன்ஸ்டிடியூட்டால் நடாத்தப்படுகின்றது என டென்மார்க் தமிழ் மக்கள் பேரவை உருவாக்க சங்கத்தின் பேச்சாளர் டாக்டர் ரெம்மன் வோஷிங்டன் தெரிவித்தார்.

அனைத்து வாக்குச் சாவடிகளும் தமிழரல்லாத பிரதிநிதி ஒருவரால் கண்காணிக்கப்படும், இந்நபர் டி.என்.எஸ் கலப்புடன் தொடர்பில் இருபார், வாக்குச் சாவடியில் மின்னணு வாக்குப்பதிவுக்கு வேண்டிய கடவுச்சீட்டையும் அந்த நபரே கொடுப்பார். அந்த கடவுச்சீட்டு உள்ளிடப்படும்போது மாத்திரமே கருத்துக்கணிப்பு உரை மற்றும் “ஆம்”, “இல்லை” மற்றும் “வெற்றிடம்” ஆகிய நிரல்கள் திரையில் தோன்றும். அதன்பின்னர் வாக்காளர் தனது விருப்பத்தேர்வைத் தேர்ந்தெடுத்து வாக்களிக்கலாம்.

டென்மார்க்கில் வாக்களிக்கத் தகுதியுடையவர்கள் 6,500 பேர் இருப்பதாகக் கணிப்பிடப்பட்டுள்ளது. இந்த எண்ணிக்கையானது குறைவாக இருக்கின்றபோதும், இதனால் ஏற்படப்போகும் முக்கிய விளைவுகளை வாக்காளர்கள் அறிந்திருப்பது அவசியம். பிற ஐரோப்பிய நாடுகளில் நடந்த வாக்களிப்பில் உள்நாட்டு ரீதியிலும், சர்வதேச ரீதியிலும் தமிழீழத்தை மக்கள் வலியுறுத்தியுள்ளனர் என ஈழத் தமிழ் மருத்துவரான மருத்துவர் ரெம்மன் வாஷிங்டன் கூறியுள்ளார்

தமிழீழ பிரகடனம் செய்வதற்காகவா கஜேந்திரன், சிவாஜிலிங்கம் கோத்தபாயவை சந்தித்தனர்? : இரா.துரைரத்தினம்

2010-02-28T00:15:00.000-08:00

அண்மையில் தமிழ் மக்களின் அரசியல் நிலமைகள் பற்றி எனது ஊடகத்துறை நண்பர் ஒருவருடன் பேசிக்கொண்டிருக்கும் போது தமிழ் தேசியக்கூட்டமைப்பு பற்றி அவர் ஒரு குற்றச்சாட்டை வைத்தார். கஜேந்திரனும், சிவாஜிலிங்கமும் தாங்கள் இன்னமும் தமிழீழ கோரிக்கையில் மிக உறுதியாக இருக்கிறோம் என சொல்வதற்காகவா மகிந்த ராஜபக்சவையும் கோத்தபாயவையும் சந்தித்தனர்?

தமிழ் டயஸ்போறாவுடன் (tamil diaspora) பேசி ஏன் ஒரு முடிவுக்கு வருகிறார்கள் இல்லை. மேற்குலக நாடுகளில் உள்ள தமிழ் தரப்பின் கருத்துக்களை புறம் தள்ளி விட்டு அரசியல் நடத்தலாம் என கருதுகிறார்களா என்ற தொனியில் அவர் தமிழ் தேசியக்கூட்டமைப்பின் மீது குற்றச்சாட்டுக்களை சுமத்தினார்.

தமிழ் தேசியக்கூட்டமைப்பு மீது மேற்குலக நாடுகளில் உள்ள தமிழ் ஊடகங்களில் இந்த குற்றச்சாட்டுக்கள் முன்வைக்கப்படுகின்றன. தமிழ் தேசியக்கூட்டமைப்பின் தலைவர் ஆர்.சம்பந்தன் மீது மிகக்காரசாரமான குற்றச்சாட்டுக்கள் முன்வைக்கப்படுகின்றன. மொத்தத்தில் சம்பந்தன் தலைமையிலான தமிழ் தேசியக்கூட்டமைப்புக்கு துரோகிகள் பட்டம் வழங்கப்பட்டு விட்டது.

இறுதியில் மேற்குலக நாடுகளில் உள்ள தமிழர் தரப்பின் அழுத்தம் காரணமாக தற்போது அகில இலங்கை தமிழ் காங்கிரஷின் பொதுச்செயலாளர் கஜேந்திரகுமார் பொன்னம்பலமும் தமிழ் தேசியக்கூட்டமைப்பிலிருந்து வெளியேறி தனியாக தேர்தலில் போட்டியிடுகிறார்.

துரோகிகளாக்கப்பட்டிருக்கும் சம்பந்தன் தரப்பினர் மீது சுமத்தப்பட்டிருக்கும் குற்றச்சாட்டுக்களில் சில...

1) சம்பந்தன் உட்பட தமிழ் தேசியக்கூட்டமைப்பினர் இந்தியாவின் கைபொம்மையாக செயற்படுகின்றனர். இந்தியாவின் நிகழ்ச்சி நிரலுக்கு ஏற்ப செயற்படுகின்றனர்.
2) தமிழீழ கொள்கையை சம்பந்தனும் கூட்டமைப்பினரும் கைவிட்டு விட்டனர்.
3) 2004ஆம் ஆண்டு விடுதலைப்புலிகளால் பரிந்துரைக்கப்பட்டு நாடாளுமன்ற உறுப்பினர்களாக தெரிவு செய்யப்பட்ட செல்வராசா கஜேந்திரன், திருமதி பத்மினி சிதம்பரநாதன் ஆகியோருக்கு இம்முறை வேட்பாளர் பட்;டியலில் இடம் வழங்கப்படவில்லை.
4) சம்பந்தன், மாவை சேனாதிராசா, சுரேஷ் பிரேமச்சந்திரன் ஆகியோர் அடிக்கடி வெளிநாடுகளுக்கு செல்கிறார்கள். இவர்களின் குடும்பங்கள் இந்தியாவில் தங்கியுள்ளன.
5) சுரேஷ் பிரேமச்சந்திரனின் மனைவி கேரளாவைச்சேர்ந்தவர். எனவே அவர் நாராயணனின் சொந்தக்காரராக இருக்கலாம்.
6) தமிழ் டயஸ்போறா என்று தங்களை அழைத்துக்கொள்ளும் மேற்குலக நாடுகளில் உள்ள விடுதலைப்புலிகளின் பிரதிநிதிகளின் ஆலோசனையை தமிழ் தேசியக்கூட்டமைப்பு பெறுவதில்லை. அவர்களுடனான தொடர்புகளை பேண மறுத்து வருகிறது.

இவ்வாறான குற்றச்சாட்டுக்களை சுமத்தி வரும் மேற்குலக நாடுகளில் வாழும் தமிழ் தரப்பினர் சிலர் ஒரு படி மேலே சென்று சம்பந்தன் தமிழ் தேசியக்கூட்டமைப்பின் தலைமைப்பதவியிலிருந்து விலக வேண்டும் என கூறிவருகின்றனர்.

( பிரான்சில் நடைபெற்ற கூட்டம் ஒன்றில் சம்பந்தனை சுட்டுத்தள்ள வேண்டும் என்று கூட்ட ஏற்பாட்டாளர்களால் கருத்துக்கள் முன்வைக்கப்பட்டதாக அக்கூட்டத்தில் கலந்து கொண்ட நண்பர் ஒருவர் கூறினார். )

ஓட்டுமொத்தத்தில் தமிழ் தேசியக்கூட்டமைப்பு ஒளித்துக்கட்டப்பட வேண்டும், சம்பந்தனும் தமிழ் தேசியக்கூட்டமைப்பும் தமிழ் மக்கள் மத்தியில் துரோகிகளாக இனங்காட்டப்பட்டு இல்லாதொழிக்கப்பட வேண்டும் என்ற முனைப்போடு மேற்குலக நாடுகளில் உள்ள சில தமிழ் தரப்பினர் கூறிவருகின்றனர்.

பொதுத்தேர்தலுக்கு திகதி அறிவிக்கப்பட்ட நாளிலிருந்து இந்த குற்றச்சாட்டுக்கள் முன்வைக்கப்பட்டு வருவதை அவதானிக்க முடிகிறது.

இவர்கள் முன்வைக்கும் குற்றச்சாட்டுகள் பற்றியும் சம்பந்தன் உட்பட தமிழ் தேசியக்கூட்டமைப்பினர் துரோகிகளாக இனங்காணப்பட்டு ஓரங்கட்டப்பட வேண்டியவர்களா என்பதையும் பார்ப்போம்.

இவர்கள் வைக்கும் முதலாவது குற்றச்சாட்டு சம்பந்தன் உட்பட தமிழ் தேசியக்கூட்டமைப்பினர் இந்தியாவின் கைபொம்மையாக செயற்படுகின்றனர். அடிக்கடி இந்தியாவுக்கு சென்று பேசுகின்றனர். இந்தியாவினால்தான் தமிழ் மக்களின் பிரச்சினையை தீர்க்க முடியும் என நம்புகின்றனர்.

இந்த குற்றச்சாட்டை முன்வைப்பவர்கள் சில விடயங்களை தமக்கு மிக வசதியாக மறந்து விடுகின்றனரா என தெரியவில்லை.

மேற்குலக நாடுகளில் வட்டுக்கோட்டை தீர்மானத்தின் மீதான வாக்கெடுப்பை நடத்துபவர்களாக இருந்தாலும் சரி நாடுகடந்த அரசை அமைக்க இருப்பவர்களாக இருந்தாலும் சரி அவற்றின் மூலம் மேற்குலக நாடுகளின் ஆதரவைப்பெற்று அதன் ஊடாகவே தமது நோக்கத்தை அடையப்போவதாக கூறிவருகின்றனர்.

ஆனால் இந்த மேற்குலக நாடுகள் ஈழத்தமிழர் பிரச்சினையில் தலையிடுவதாக இருந்தால் இந்தியாவின் பூரண அனுமதி இன்றி அணுஅளவும் அவர்கள் அசைய மாட்டார்கள் என்பதுதான் யதார்த்தம். அமெரிக்க மற்றும் ஐரோப்பிய நாடுகளின் இணக்கத்துடன் சமாதான நடவடிக்கைகளில் ஈடுபட்ட நோர்வே இலங்கைக்கு செல்லுகின்ற போதும் அங்கிருந்து திரும்புகின்ற போதும் புதுடில்லிக்கு சென்று என்ன பேசுவது என்பது பற்றியும் பின்னர் என்ன பேசினோம் என்பது பற்றியும் இந்தியாவுக்கு ஒப்புவித்து விட்டுத்தான் வந்தார்கள் என்பதை நோர்வே அண்மையில் தெரிவித்திருந்தது.

அமெரிக்காவாக இருக்கலாம் அல்லது ஐரோப்பிய நாடுகளாக இருக்கலாம் அவர்கள் முன்னிலையில் இந்தியாவா ஈழத்தமிழரா என்ற தெரிவை முன்வைக்கின்ற போது அவர்கள் இந்தியாவைதான் தெரிவு செய்வார்கள் என்பதுதான் உண்மை.

தென்னாசிய பிராந்தியத்தில் வல்லாதிக்க சக்தியாக வளர்ந்து வரும் சீனா மேற்குலக நாடுகளுக்கு சவாலாக மேலோங்கி வரும் இவ்வேளையில் அந்த பிராந்தியத்தின் மற்றுமொரு பலம்பொருந்திய சக்தியான இந்தியாவை தமது நேசசக்தியாக வைத்திருக்க வேண்டிய தேவை மேற்குலக நாடுகளுக்கு இருக்கின்றன.

இந்நிலையில் இந்தியாவை மீறி மேற்குலக நாடுகள் எவையும் ஈழத்தமிழர்களுக்கு உதவ முன்வருவார்கள் என நம்பமுடியாது. ஈழத்தமிழர் பிரச்சினைக்கான தீர்வு குறித்து மேற்குலக நாடுகளுக்கு அழுத்தம் கொடுத்தாலும் அவர்கள் இந்தியா ஊடாகவே இந்தப்பிரச்சினையை கையாள்வார்களே தவிர இந்தியாவை தவிர்த்து விட்டு இந்தியாவிற்கு தெரியாமல் ஈழத்தமிழர்களுக்கு உதவுவார்கள் என்பது யதார்த்தத்திற்கு புறம்பானதாகும்.

இதனால்தான் தமிழ் தேசியக் கூட்டமைப்பினர் இந்தியாவை நோக்கி செல்கின்றனர் என நான் நினைக்கின்றேன். இது தவிர வன்னியில் யுத்தம் நடைபெற்ற இறுதிக்கால கட்டத்தில் கூட விடுதலைப்புலிகளின் அரசியல்துறைப் பொறுப்பாளர் நடேசன் இந்தியா இந்த விடயத்தில் தலையிட்டு தீர்வு காணவேண்டும் என கோரி சில அறிக்கைகளை விட்டிருந்தார். அந்த அடிப்படையில்தான் இப்போது தமிழ் தேசியக் கூட்டமைப்பினரும் இந்தியாவை நோக்கியும் மேற்குலகை நோக்கியும் செல்கின்றனர். அது மட்டுமல்ல விடுதலைப்புலிகளின் தலைவரின் இறுதி மாவீரர் தின உரையின் போதும் இந்தியாவை நோக்கி அவரின் கரங்கள் நீண்டிருந்ததையும் இவர்கள் மிக வசதியாக மறந்து விட்டனர்.

தங்களின் பெயர்கள் தமிழ் தேசியக் கூட்டமைப்பின் வேட்பாளர் பட்டியலில் இடம்பெறவில்லை என அறிந்து கொண்ட பின்னர்தான் சிவாஜிலிங்கமும் சிறிகாந்தாவும், கஜேந்திரனும் தமிழ் தேசியக் கூட்டமைப்பு இந்தியாவின் கைப்பொம்மையாக செயற்படுகிறார்கள் என்ற குற்றச்சாட்டை முன்வைத்திருக்கிறார்கள். இவர்களின் பெயர்கள் வேட்பாளர் பட்டியலில் இடம்பெற்றிருந்தால் தமிழ் தேசியக் கூட்டமைப்பு புனிதமானவர்கள். தங்களுடைய பெயர்கள் இடம்பெறவில்லை என்றவுடன் தான் இந்த குற்றச்சாட்டை முன்வைக்கின்றனர்.

இரண்டாவது குற்றச்சாட்டு சம்பந்தன் தமிழீழக் கோரிக்கையை கைவிட்டு விட்டார் என்பதாகும்.

சம்பந்தன் மட்டுமல்ல யார் யார் இலங்கை நாடாளுமன்ற ஆசனங்களை நோக்கி செல்கிறார்களோ அவர்கள் அனைவரும் தமிழீழ கோரிக்கையை வலியுறுத்தி செயற்பட முடியாது என்பதுதான் யதார்த்தம். பிரிவினைக்கு தாம் துணைபோக மாட்டோம் என சிறிலங்கா அரசியல் யாப்பின் 6ஆவது திருத்த சட்டத்திற்கு ஆதரவு தெரிவித்து எழுத்து மூலமும் வாய் மூலமும் சத்தியப்பிரமாணம் செய்த பின்பே தேர்தலில் போட்டியிடுகிறார்கள். போட்டியிட்டு வெற்றிபெற்ற பின் சபாநாயகர் முன்னிலையிலும் சத்தியப்பிரமாணம் செய்து கொள்கிறார்கள். கடந்தமுறை தெரிவான 22 நாடாளுமன்ற உறுப்பினர்களும் நாடாளுமன்றத்தில் 6ஆவது திருத்தச்சட்டமூலத்தின் மீது சத்தியப்பிரமாணம் எடுத்துவிட்டு வந்த போதுதான் விடுதலைப்புலிகளின் தலைவர் கிளிநொச்சியில் விருந்து வைத்து வாழ்த்தி அனுப்பியதையும் நாம் மறந்து விட முடியாது.

தமிழீழத்தை கோர மாட்டோம் என 6ஆவது திருத்த சட்டத்தின் மீது நாடாளுமன்ற உறுப்பினர்களாக சத்தியப்பிரமாணம் செய்த ஜோசப் பரராசசிங்கம், ரவிராஜ் ஆகியோருக்கும் 6ஆவது திருத்த சட்டத்தின் கீழ் சட்டத்தரணியாக சத்தியப்பிரமாணம் எடுத்துக்கொண்ட குமார் பொன்னம்பலத்திற்கும் விடுதலைப்புலிகளின் தலைவர் பிரபாகரன் மாமனிதர் பட்டம் வழங்கி கௌரவித்ததையும் நாங்கள் மறந்து விடக்கூடாது.

ஆகவே தமிழீழக் கோரிக்கையை கஜேந்திரன் அதிகம் பேசுகிறார், சம்பந்தன் குறைவாக பேசுகிறார் என நாம் தராசில் போட்டு அளந்து பார்க்க முடியாது.

மூன்றாவது குற்றச்சாட்டு செல்வராசா கஜேந்திரன், பத்மினி சிதம்பரநாதன் ஆகியோருக்கு இம்முறை வேட்பாளர் பட்டியலில் இடம் வழங்கப்படவில்லை என்பது.

முதலில் இந்த கட்டுரையை வாசிப்பவர்கள் தமிழ் தேசியக் கூட்டமைப்பு விடுதலைப்புலிகளால் உருவாக்கப்படவில்லை என்பதையும் 2002ஆம் ஆண்டிற்கு பின்னர் விடுதலைப்புலிகள் தமிழ் தேசியக் கூட்டமைப்பின் செயற்பாடுகளை தங்கள் கட்டுப்பாட்டிற்குள் கொண்டு வந்தனர் என்பதையும் அறிந்திருப்பீர்கள் என நம்புகிறேன்.

2001ஆம் ஆண்டு தமிழ் தேசியக் கூட்டமைப்பின் ஆரம்ப கூட்டத்திலேயே வேட்பாளர் தெரிவு பற்றி முடிவு எடுக்கப்பட்டிருந்தது. தமிழ் தேசியக் கூட்டமைப்பில் உள்ள நான்கு கட்சிகளிலிருந்தும் விண்ணப்பங்களைப்பெற்று வேட்பாளர்கள் தெரிவு செய்வதென முடிவு செய்யப்பட்டிருந்தது. இது தவிர உறுப்பினர் ஒருவர் கட்சிக்கொள்கைகளுக்கு முரணாக செயற்படும் பட்சத்தில் அவர் மீது ஒழுக்காற்று நடவடிக்கை எடுக்கும் அதிகாரம் கட்சி தலைமை பீடத்திற்கு உண்டு என தேர்தல் சட்ட விதி கூறுகின்றது. எனவே எந்த ஒரு வேட்பாளரும் ஒரு கட்சியை சேர்ந்தவராக இருக்க வேண்டும் என்ற தேர்தல் விதியை கஜேந்திரன் போன்றவர்கள் அறிந்திருக்கவில்லை போல் தெரிகிறது.

2004ஆம் ஆண்டு நான்கு கட்சிகளினால் சமர்ப்பிக்கப்பட்ட விண்ணப்பங்களுக்கு மேலதிகமாக விடுதலைப்புலிகளும் சிலரின் பெயர்களை கொடுத்திருந்தால் அவர்களும் வேட்பாளர் பட்டியலில் சேர்க்கப்பட்டனர். இம்முறை விடுதலைப்புலிகள் இல்லாத நிலையில் யாழ். மாவட்டத்திற்கு இந்த நான்கு கட்சிகளில் ஏதேனும் ஒரு கட்சியிடம் கூட இவர்கள் இருவரும் விண்ணப்பங்களை சமர்ப்பிக்கவில்லை. இவர்கள் இருவருக்கும் வேட்பாளர் பட்டியலில் இடம் ஒதுக்கப்படவில்லை என சர்ச்சைகள் மேற்குலக நாடுகளில் உள்ள தமிழ் ஊடகங்களில் பலமாக எழுப்பபட்ட பின்னர், யாழ் மாவட்ட வேட்பாளர் பட்டியல் இறுதி செய்யப்படும் நிலையில் 19ஆம் திகதி வெள்ளிக்கிழமை இரவு யாழ் மாவட்ட வேட்பாளர் பட்டியலிருந்து தன்னுடைய பெயரையும் விநாயகமூர்த்தியுடைய பெயரையும் நீக்கிவிட்டு செல்வராசா கஜேந்திரன் , பத்மினி சிதம்பரநாதன் ஆகியோரின் பெயர்களை சேர்க்குமாறு அகில இலங்கை தமிழ் காங்கிரஷ் கட்சியின் செயலாளர் கஜேந்திரகுமார் பொன்னம்பலம் கோரினார்.

செல்வராசா கஜேந்திரன் பத்மினி சிதம்பரநாதன் ஆகியோர் மீண்டும் தேர்தலில் போட்டியிடுவதற்கு விருப்பம் கொண்டிருந்தால் அவர்கள் இந்த நான்கு கட்சிகளில் ஏதாவது ஒன்று ஊடாக விண்ணப்பத்தை சமர்ப்பித்திருக்க வேண்டும். அல்லது அகில இலங்கை தமிழ் காங்கிரஷ் கட்சி ஊடாக ஆரம்பத்திலேயே இந்த இருவரின் பெயர்களை கஜேந்திரகுமார் பொன்னம்பலம் சமர்ப்பித்திருக்க வேண்டும்.

இது தவிர கஜேந்திரன் நாடாளுமன்ற உறுப்பினராக தெரிவு செய்யப்பட்ட காலத்திலிருந்து இன்றுவரை தமிழ் தேசிய கூட்டமைப்புக்கு கட்டுப்பட்டது கிடையாது. அவ்வாறு கட்டுப்படாத ஒருவரை அந்த கட்சி எப்படி தன்னுடைய வேட்பாளர் பட்டியலில் சேர்க்கும்.

இன்னுமொரு விடயத்தையும் இங்கு சுட்டிக்காட்ட வேண்டும் . தமிழ் தேசியக்கூட்டமைப்பு இந்தியாவின் நிகழ்ச்சி நிரலுக்கு செயற்படுகிறார்கள் என குற்றம் சாட்டும் கஜேந்திரன் பத்மினி போன்றவர்கள் இந்தியாவை விட மிக மோசமாக தமிழர்களை கொன்று குவித்த சிறிலங்கா அரசின் நிகழ்ச்சி நிரலுக்கு ஏற்ப செயற்படுவதாக குற்றம் சாட்டப்படுகிறதே?
வெளிநாடுகளில் நடைபெற்ற பொங்குதமிழ் நிகழ்ச்சியில் சிறிலங்காவின் இறைமைக்கு எதிராக பேசியதாக அரியநேந்திரன், ஜெயானந்தமூர்த்தி கஜேந்திரன் ஆகியோர் மீது குற்றம் சாட்டப்பட்டு வழக்கு தாக்கல் செய்யப்பட்டது. அரியநேந்திரன் 8மணித்தியாலங்களாக சிறிலங்கா குற்றப்புலனாய்வுப்பிரிவினரால் 4ஆம் மாடியில் வைத்து விசாரிக்கப்பட்டார். இந்தியாவிற்கு மருத்துவ சிகிச்சைக்காக சென்ற வேளையில் விமானநிலையத்தில் வைத்து திரும்பி அனுப்பபட்டார். இன்றும் அவர் வெளிநாட்டிற்கு செல்ல முடியாத நிலை காணப்படுகிறது.

ஆனால் கஜேந்திரன் எந்த வித பிரச்சினையும் இன்றி வெளிநாட்டிலிருந்து கொழும்புக்கு சென்றார். அவரின் மீதான வழக்கு வாபஸ் பெறப்பட்டுவிட்டது. இது எப்படி சாத்தியமானது?

அண்மையில் ஊடகம் ஒன்றிற்கு செவ்வி வழங்கிய கிசோர் சிவநாதன் வெளிநாட்டில் இருந்த கஜேந்திரன், சிவாஜிலிங்கம் ஆகியோருக்கு இருந்த சிக்கல்களை தானே மகிந்த ராஜபக்சவுடனும் கோதபாயவுடனும் பேசி தீர்த்து வைத்ததாகவும் இவர்களும் மகிந்த, கோதபாய ஆகியோரை சந்தித்ததாகவும் கூறியிருந்தார். கஜேந்திரனும், சிவாஜிலிங்கமும் தாங்கள் இன்னமும் தமிழீழ கோரிக்கையில் மிக உறுதியாக இருக்கிறோம் என சொல்வதற்காகவா மகிந்த ராஜபக்சவையும் கோத்தபாயவையும் சந்தித்தனர்?

கிசோரின் கூற்றை இதுவரை கஜேந்திரன் மறுக்கவில்லையே?

அதுபோல நோர்வேயில் இருந்த போது கஜேந்திரன் தன்னுடன் பேசியதாக டக்ளஸ் தேவானந்தா தனக்கு நெருக்கமான யாழ்ப்பாண ஊடகவியலாளர் ஒருவரிடம் தெரிவித்திருக்கிறாரே? இது யாரின் நிகழ்ச்சி நிரலுக்கு ஏற்ப நடைபெற்றது?

அடுத்த குற்றச்சாட்டு சம்பந்தன், மாவை சேனாதிராசா, சுரேஷ் பிரேமச்சந்திரன் ஆகியோர் இந்தியாவிற்கு செல்கின்றனர். அவர்களின் குடும்பங்கள் இந்தியாவில் இருக்கின்றன.

இந்த குற்றச்சாட்டை வடக்கு கிழக்கில் உள்ள மக்கள் முன்வைக்கவில்லை. 10, 15 வருடங்களுக்கு மேலாக மேற்குலக நாடுகளில் தங்கள் குடும்பங்களுடன் வாழ்பவர்கள் தான் இந்த குற்றச்சாட்டை முன்வைக்கிறார்கள். மாவை சேனாதிராசாவும் சுரேஷ் பிரேமச்சந்திரனும் தமது குடும்பங்களைப்பார்ப்பதற்கு இந்தியாவிற்கு செல்வதில் தவறிருப்பதாக எனக்கு தெரியவில்லை. அவர்கள் தங்கள் குடும்பங்களை பார்க்க செல்லது தவறென சொல்வதற்கு 10, 15 வருடங்களுக்கு மேலாக வெளிநாடுகளில் உள்ளவர்களுக்கு நிட்சயமாக இல்லை. அதுபோல தனது சொந்த சகோதரனின் இறுதிச்சடங்கில் கலந்து கொள்வது உட்பட அவசிய தேவைகளுக்காக சம்பந்தன் வெளிநாடு செல்வதில் என்ன தவறிருக்கிறதோ தெரியவில்லை.

இப்பொழுது புதிதாக முன்வைக்கப்பட்டிருக்கும் ஒரு குற்றச்சாட்டு சுரேஷ் பிரேமச்சந்திரனின் மனைவி கேரளாவை சேர்ந்தவர் என்பதாகும். சுரேஷ் பிரேமச்சந்திரனின் மனைவி மட்டக்களப்பு லேடி மனிங் வீதியைச் சேர்ந்தவர். சிலவேளை இந்த குற்றச்சாட்டை முன்வைப்பவர்கள் மட்டக்களப்பை சேர்ந்தவர்கள் எல்லோரும் கேரளாவை சேர்ந்தவர்கள் நாராயணனின் உறவினர்கள் என புதிதாக கண்டுபிடித்தார்களோ தெரியவில்லை. கிழக்கு மாகாண மக்களை துரோகிகள் என கூறுவதற்கு இவர்கள் எதையும் கண்டுபிடிப்பார்கள்.

அடுத்த குற்றச்சாட்டு தமிழ் டயஸ்போறாவுடன் தமிழ் தேசியக்கூட்டமைப்பு பேசுவதில்லை என்பதாகும். மேற்குலக நாடுகளில் உள்ள தமிழ் அமைப்புக்களின் பிரதிநிதிகள் எத்தனைபேர் தமிழ் தேசியக்கூட்டமைப்புடன் பேசினார்கள் என்பது தெரியவில்லை. ஆனால் இது பற்றி அண்மையில் சுவிஷ் நாட்டிற்கு வந்திருந்த மாவை சேனாதிராசா, சுரேஷ் பிரேமச்சந்திரன், கென்றி மகேந்திரன் ஆகியோரை நான் சந்தித்து கேட்ட போது ஒரு விடயத்தை சொன்னார்கள். தாங்கள் மேற்குலக நாடுகளில் இருக்கும் தமிழர் தரப்புடன் உறவுகளை பேணுவதற்கு சகல முயற்சிகளையும் எடுப்பதாக கூறிய அதேவேளை இங்கே பல பிரிவுகளாக இப்போது பிளவு பட்டு நிற்கிறார்களே ஒருவரோடு தொடர்பை பேணினால் மற்றவர் கோவித்து கொள்கிறாரே என கவலைபட்டுக்கொண்டார்கள்.

ஐரோப்பிய நாடுகளில் கிளைகளை அமைத்து இங்குள்ள தமிழர்களுடனும், மேற்குலக இராசதந்திர மட்டங்களிலும் தொடர்புக்களை பேணவேண்டும் என அவர்களிடம் நான் கேட்ட போது கட்டாயம் அதை செய்வதாகவும் ஐரோப்பா, ஒஸ்ரேலியா, அமெரிக்கா, கனடா இந்தியா ஆகிய நாடுகளிலும் தமது கிளைகளை அமைத்து இராசதந்திர நடவடிக்கைகளை துரிதப்படுத்த வேண்டும் என தெரிவித்தார்கள். இதைத்தான் இப்போது மேற்குலக நாடுகளில் உள்ள சில தமிழர்கள் தமிழ் தேசியக்கூட்டமைப்பு புதுடில்லியில் அலுவலகம் அமைக்கப்போகிறார்கள் என தலையில் அடித்துக்கொண்டு திரிகிறார்கள். தமிழ் தேசியக்கூட்டமைப்பு புதுடில்லியில் அமைத்தாலென்ன சந்திரமண்டலத்தில் அலுவலகத்தை அமைத்தால் என்ன ஈழத்தமிழர் பிரச்சினையை தீர்ப்பதற்கு நடவடிக்கை எடுக்கிறார்களா என்பதைத்தான் நாங்கள் பார்க்க வேண்டும்.

இறுதியாக தமிழ் தேசியக்கூட்டமைப்பின் தலைமைப்பதவியிலிருந்து சம்பந்தன் விலக வேண்டும் என்பதாகும்.

தவிர்க்க முடியாதவாறு இருக்கின்றவர்களில் அரசியலிலும் வயதிலும் அனுபவத்திலும் மிக மூத்தவர் என்ற வகையில் நாடாளுமன்ற குழுத்தலைவராகவும், தமிழ் தேசியக்கூட்டமைப்பின் தலைவராகவும் ஆர்.சம்பந்தன் இருந்து வருகிறார்.

நான்கு கட்சிகளின் தலைவர்கள் என்ற வகையில் மாவை சேனாதிராசா, சுரேஷ் பிரேமச்சந்திரன், செல்வம் அடைக்கலநாதன், கஜேந்திரகுமார் பொன்னம்பலம் ஆகியோரே பெரும்பாலும் முடிவுகளை எடுக்கின்றனர். ஆனால் சம்பந்தனையே குற்றவாளியாக்கி அவரை பதவி விலக வேண்டும் என கோருவது அவர் கிழக்கு மாகாணத்தை சேர்ந்தவர் என்ற காரணமாகவும் இருக்கலாம். அதுதவிர மேற்குலக நாடுகளிலிருந்து விடுதலைப்புலிகளின் தலைமையை ஆட்டுவித்தது போல சம்பந்தனும் தங்களுடைய ஆட்டத்திற்கு ஆட மறுக்கிறார் என்பதும் காரணமாக இருக்கலாம்.

இறுதியாக திரு. சம்பந்தன் அவர்களை பதவியில் வைத்திருப்பதும் நீக்குவதும் வடகிழக்கு பிரதேசத்தில் உள்ள தமிழர்களின் கைகளில் இருக்கிறதே ஒழிய மேற்குலக நாடுகளில் உள்ள தமிழர்களின் கைகளில் இல்லை என்பதை அடுத்த தேர்தல் பதில் அளிக்கும்.

இரா.துரைரத்தினம்
ஊடகவியலாளர்
சுவிற்ஸர்லாந்து
thurair@hotmail.com

சிறிலங்கன் விமான சேவை ஊழியர்களுக்கு கூகுல் மற்றும் ஜிமெயில் பயன்படுத்த தடை

2010-02-28T00:06:00.001-08:00

சிறிலங்கன் விமான சேவையில் பணியாற்றும் ஊழியர்கள் அலுவலக கணனிகளின் வழியாக தமது தனிப்பட்ட மின்னஞ்சல்களை திறப்பது மற்றும் கூகிள் தேடல் இயந்திரத்திற்குள் நுழைவது என முற்றாக தடைசெய்யப்பட்டுள்ளதாக தகவல்கள் தெரிவிக்கின்றன.

அத்துடன் சிறிலங்கா விமான சேவை நிறுவனத்தின் கட்டுநாயக்க அலுவலகத்திற்குள் பிரவேசிக்கும் மற்றும் வெளியேறும் அனைத்து வழிகளிலும் பாதுகாப்பு கமராக்கள் பொருத்தப்பட்டுள்ளதாக தெரியவருகிறது.

குறித்த விமான நிறுவனத்தில் பணியாற்றும் 50 வீதமான ஊழியர்கள் அரசாங்கத்திற்கு எதிராக செயற்பட்டு வருவதாக கிடைத்துள்ள தகவலொன்றை அடுத்தே இந்த நடவடிக்கைகள் மேற்கொள்ளப்பட்டுள்ளதாக கூறப்படுகிறது.

அதேவேளை மக்கள் வங்கியிடம் இருந்து பெறப்பட்ட வங்கி மேலதிகப் பற்று (ஓடி) மூலமே சிறிலங்கன் விமான நிறுவன ஊழியர்களுக்கு கடந்த மாதம் ஊதியம் வழங்கப்பட்டுள்ளதாக சிங்கள இணையத்தகவலக்ள் தெரிவிக்கப்படுகிறது.

பிரித்தானியாவின் கோரிக்கை சிறீலங்காவால் நிராகரிப்பு

2010-02-27T00:12:00.000-08:00

பிரித்தானியாவின் வெளியுறவு அமைச்சர் டேவிட் மிலிபான்டின் கோரிக்கையை சிறீலங்கா அரசாங்கம் நிராகரித்துள்ளதாக திவயின பத்திரிகை செய்தி வெளியிட்டுள்ளது.

அரசியல் சாசனத்தில் மாற்றத்தை ஏற்படுத்த வேண்டுமென டேவிட் மிலிபான்ட் கோரிக்கை விடுத்துள்ளார். இலண்டன் நாடாளுமன்ற வளாகத்தில் நடைபெற்ற உலகத் தமிழ் பேரவையினால் ஏற்பாடு செய்யப்பட்டிருந்த மாநாட்டில் கலந்து கொண்ட போது அவர் இதனைக் குறிப்பிட்டுள்ளார்.

எனினும், இந்தக் கோரிக்கைகளை ஏற்றுக்கொள்ள முடியாது என சிறீலங்கா அரசாங்கம் தெரிவித்துள்ளது.உலகத் தமிழ் பேரவை அமைப்பு தமிழீழ விடுதலைப் புலிகளுக்கு சார்பான அமைப்பு என சுட்டிக்காட்டப்பட்டுள்ளது.

மேலும், இலங்கையின் உள்விவகாரங்களில் பிரித்தானிய வெளியுற அமைச்சர் தலையீடு செய்ய வேண்டாமென அவர் குறிப்பிட்டுள்ளார்.

யாழ் கடல்நீரேரியில் மீன் பிடிக்க சிறீலங்கா தடை

2010-02-27T00:11:00.000-08:00

யாழ்ப்பாணத்தின் கடல் நீரேரியில் கடல்தொழில் செய்வதற்கு சிறிலங்காப் படையினரால் மீண்டும் கட்டுப்பாடுகள் கொண்டுவரப்பட்டுள்ளதாக தெரிவிக்கப்பட்டுள்ளது.

பாசையர் குருநகர் பகுதிகளில் இருந்து கடல்தொழிலுக்கு சென்ற கடல்தொழிலாளர்கள் மீது சிறிலங்கா கடற்படையினர் மீண்டும் கெடுபிடிகளை ஏற்படுத்தியுள்ளதாகவும் இதன்போது கடல்தொழிலுக்கு செல்லும் படகுகள் அதன் வெளியிணைப்பு இயந்திரத்தின் வலு மற்றும் எத்தனை பேர் செல்கிறன்றார்கள் என்ற பெயர்விபரங்கள் சிறிலங்காப் படையினரிடம் ஒப்படைத்துவிட்டே கடல்தொழிலுக்கு செல்ல வேண்டும் என்று படையினரால் கட்டுப்பாடுகள் கொண்டுவரப்பட்டுள்ளதாக கடல்தொழிலாளர்கள் தெரிவித்துள்ளார்கள்.

போர் நடைபெற்ற காலத்தில் மேற்கொள்ளப்பட்ட கட்டுப்பாடுகள், போர் முடிந்துவிட்டதாக கூறப்படும் இக்காலத்தில் எதற்காக மேற்கொள்ளப்படுகின்றது என்ற கேள்வியை படையினரின் இச்சம்பவம் ஏற்படுத்தியுள்ளது

மூன்றில் இரண்டு பெரும்பான்மையை அரசு வெல்வது இலகுவானதல்ல - ரொய்ட்டர் தெரிவிப்பு

2010-02-27T00:08:00.000-08:00

எதிர்வரும் பொதுத் தேர்தலில் மூன்றில் இரண்டு பெரும்பான்மையைப் பெறுவதற்கு அரசு திட்டமிட்டுள்ளது. ஆனால் மூன்றில் இரண்டு பெரும்பான்மையை மகிந்த அரசு வெல்வது இலகுவானதல்ல என அரசியல் அவதானிகள் தெரிவித்துள்ளதாக ரொய்ட்டர் செய்தி நிறுவனம் தெரிவித்துள்ளது.

அதில் மேலும் தெரிவிக்கப்பட்டுள்ளதாவது, கடந்த மாதம் நடைபெற்ற ஜனாதிபதித் தேர்தலின்போது ஜெனரல் சரத் பொன்சேகாவை ஆதரித்த எதிர்க்கட்சிகளின் கூட்டணிக்குள் தற்போது பிளவுகள் தோன்றியுள்ளன. பொதுத் தேர்தலில் போட்டியிடுவது தொடர்பில் இந்த நிலை ஏற்பட்டுள்ளதாக அதிகாரிகள் தெரிவித்துள்ளனர். எதிர்க்கட்சிகளின் இந்தப் பிரிவினை மகிந்த ராஜபக்ஷ வுக்கு அனு கூலங்களை ஏற்படுத்தலாம்.

அவர் மூன்றில் இரண்டு பெரும் பான்மையை எதிர்பார்க்கின்றார். இலங்கையின் அரசியல் சட்டங்களை மாற்றுவதற்கும் புதியவற்றை நடைமுறைப்படுத்துவதற்கும் அதன் மூலம் வெளிநாட்டு முதலீடு களைப் பெறவும் அரசுக்கு இந்தப் பெரும் பான்மை அவசியம். ஐக்கிய தேசியக் கட்சி மற்றும் ஜனதா விமுக்தி பெரமுனை ஆகிய இரு கட்சிகளும் பிரதான எதிர்க்கட்சிகள். அவை இரண்டும் தமக்குள் உள்ள வேற்றுமைகளை விடுத்து ஜனாதிபதித் தேர்தலில் பொன் சேகாவை ஆதரித்தன.

எனினும் அவர் 18 இலட்சம் வாக்குகளால் தோல்வி கண்டிருந்தார். மகிந்த முறைகேடான வெற்றியைப் பெற் றதாகக் குற்றச் சாட்டுக்கள் எழுந்துள்ளன. எதிர்கட்சிகளின் பிரிவினைக்கு கொள் கைகளே காரணம் என ஐக்கிய தேசியக் கட்சி யின் கொழும்பு மாவட்டத் தலைவர் ரவி கரு ணாநாயக்க தெரிவித்துள்ளார்.எனினும் பொதுத் தேர்தலில் மூன்றில் இரண்டு பெரும்பான்மையை மகிந்த வெல்வது இலகுவானதல்ல என அரசியல் அவதானிகள் தெரிவித்துள்ளனர்.

சகோதரர் என்று வர்ணித்த கருணாவுக்கு, மகிந்த வழங்கும் ஆறுதல் பரிசு

2010-02-27T00:07:00.000-08:00

இதுவரை காலமும் தனது நிகழ்கால எதிர்கால நிழல் தரும் விருட்சம் மகிந்ததான் என ஆட்சிப் பீடம் ஏறிய கருணா, மகிந்தவை தனது சகோதரர் என்றும் வர்ணித்தார்.

எதுவாயினும் இம்முறை தேசியப் பட்டியலில் கருணாவுக்கு பாராளுமன்ற உறுப்பினர் பதவி வழங்குவதாக அரசு உறுதிமொழி வழங்காவிட்டாலும், அதற்கு ஈடு இணையாக அரச ஊழியர் பதவியை ஆறுதல் பரிசாக வழங்கும் என்பதில் கருணா அச்சப்பட வேண்டிய அவசியமில்லை.

லண்டன் உலக தமிழ் மாநாட்டுக்கு அமெரிக்க செனட்டர் செய்தி அனுப்பியுள்ளார்

2010-02-27T00:06:00.000-08:00

லண்டனில் கடந்த புதன்கிழமை நடைபெற்ற உலக தமிழ் மாநாட்டின் போது, அமெரிக்க செனட்டரும், செனட் வெளியுறவுதுறை உபகுழுவின் கிழக்கு, மத்திய ஆசிய விவகார தலைவருமான பொப் கெசி (Sen. Bob Casey) அவர்களின் செய்தி ஒன்று வாசிக்கப்பட்டது.

அச்செய்தியில் இலங்கையில் யுத்தத்தின் பின்னர் நாட்டை கட்டியெழுப்பவும், சமூக கட்டமைப்பை மீளக்கட்டியெழுப்பவும் இலங்கைக்கு வெளியில் உள்ள தமிழர்களின் பங்கு முக்கியமானது என அவர் குறிப்பிட்டிருந்தார்.

அமெரிக்கா, இலங்கையின் போருக்கு பின்னரான இடம்பெயர்ந்தோருக்கான கட்டமைப்புகளுக்கு உதவ தயாராக உள்ளதாக அவர் அதில் தெரிவித்திருந்தார்.

இலங்கையின் ஜனநாயக முயற்சிகளுக்கு உதவும் உலக தமிழ் மாநாட்டுக்கு தாம் நன்றி தெரிவிப்பதாகவும் அவர் அதில் குறிப்பிட்டிருந்தார்.

தற்போதைய கஸ்டமான காலக்கட்டத்தில், இலங்கையின் மக்கள் பொதுவான நிலைப்பாடு ஒன்றுக்கு வருவதன் மூலமே நாட்டை கட்டியெழுப்ப முடியும்.

பயங்கரவாதமும், வன்முறையும் அரசியல் வெளிப்பாடுகள் எனக் குறிப்பிட்டுள்ள அவர், இலங்கையின் மனிதாபிமான முன்னெடுப்புகளுக்கு தாம் உதவ தயாராக இருப்பதாக குறிப்பிட்டுள்ளார்.

அதேநேரம் லண்டன் தமிழ் மாநாட்டுக்கும் தமது ஒத்துழைப்பு இருக்கும் என்றும் அவர் தெரிவித்துள்ளார்.

இலங்கையில் புதிய தேசிய அடையாள அட்டை விரைவில் அறிமுகம்

2010-02-26T12:05:00.001-08:00

இலங்கையில், கைவிரல் அடையாளம் உள்ளிட்ட சில முக்கிய பாதுகாப்பு ஏற்பாடுகள் அடங்கிய புதிய தேசிய அடையாள அட்டை விரைவில் அறிமுகம் செய்யப்பட உள்ளதாகத் தெரிவிக்கப்படுகிறது.

இந்த ஆண்டில் குறித்த புதிய வகை அடையாள அட்டையை அறிமுகப்படுத்த முடியும் என ஆட்பதிவுத் திணைக்களம் அறிவித்துள்ளது.

எதிர்வரும் ஆறு மாதங்களுக்குள் அடையாள அட்டை தயாரிப்பு தொடர்பான விலை மனுக்கோரல்கள் தொடர்பான அறிவிப்பு வெளியிடப்பட உள்ளதாக திணைக்களப் பணிப்பாளர் ஏ.ஜீ.தர்மதாச தெரிவித்துள்ளார்.

2010ம் ஆண்டு நிறைவடைவதற்குள் புதிய தேசிய அடையாள அட்டையை வெளியிட முடியும் என அவர் நம்பிக்கை வெளியிட்டுள்ளார்.

உலகத் தமிழர் பேரவை மாநாட்டில் நோர்வே ஈழத்தமிழர் அவை பிரதிநிதிகள் பங்கேற்பு

2010-02-26T02:47:00.001-08:00

உலகத் தமிழர் பேரவையால் பிரித்தானிய நாடாளுமன்ற கட்டிடத்தில் ஏற்பாடு செய்யப்பட்ட மாநாட்டில் நோர்வே ஈழத்தமிழர் அவை பிரதிநிதிகளும் கலந்து கொண்டுள்ளனர்.

உலகத் தமிழர் பேரவையால் ஏற்பாடு செய்யப்பட்ட மாநாட்டில் பிரித்தானிய பிரதமர் கோடர் பிரவுண் அவர்கள் சமூகமளிதிருந்தமையும், பிரித்தானிய வெளவிவகார அமைச்சர் டேவிட் மிலிபன் உரையாற்றிருந்தமையும் ஸ்ரீ லங்கா அரசிற்கு கடும் சீற்றத்தை ஏற்படுத்தியுள்ளது.

விடுதலைப் புலிகளின் பிரதநிதிகளாக புலம் பெயர் நாடுகளில் உள்ள தமிழ் அமைப்புக்கள் செயற்படுவதாகவும் ஸ்ரீ லங்கா அரசால் குற்றச்சாட்டு முன்வைக்கப்பட்டுள்ளது.

பாலியல் பலாத்காரம் செய்யப்பட்ட மட்டு. மாணவி சந்தேக நபரை அடையாளம் காண்பித்துள்ளார்

2010-02-25T23:25:00.001-08:00

மட்டக்களப்பு புலிபாய்ந்த கல் பிரதேசத்தில் 8 வயது பாடசாலை மாணவியொருவர் இராணுவத்தினரால் பாலியல் வன்முறைக்கு உட்படுத்தப்பட்டதாகக் கூறப்படும் சம்பவம் தொடர்பான அடையாள அணிவகுப்பு வியாழக்கிழமை மட்டக்களப்பு நீதிமன்றத்தில் நடைபெற்றபோது சந்தேக நபர்களிலொருவரை பாதிக்கப்பட்ட மாணவி அடையாளம் காட்டியுள்ளார்.

கடந்த 12 ம் திகதி குறிப்பிட்ட மாணவி பாடசாலையிலிருந்து வீடு திரும்பும் போது வழியில் நீராடிக் கொண்டிருந்த இராணுவத்தினரால் வழிமறித்து கடத்தப்பட்டு பாலியல் வன்முறைக்கு உட்படுத்தப்பட்டதாகக் கூறப்படுகின்றது.

சம்பவம் தொடர்பாக திகிலிவெட்டை இராணுவமுகாமில் கடமையிலிருந்த இராணுவ சிப்பாய்கள் 6 பேர் சந்தேகத்தின் பேரில் பொலிஸாரால் கைதாகி நீதிமன்ற விளக்கமறியலிலும் வைக்கப்பட்டிருந்தனர்.

அடையாள அணிவகுப்பு நடைபெற்ற போது அன்றைய தினம் குறித்த முகாமில் கடமையிலிருந்த 49 இராணுவ சிப்பாய்களும் நிறுத்தப்பட்டிருந்ததாக பாதிக்கப்பட்ட மாணவி சார்பில் ஆஜரான சட்டத்தரணி பேரின்பம் பிரேம்நாத் கூறுகின்றார்.

4 சுற்றுக்களில் நடைபெற்ற இந்த அடையாள அணிவகுப்பில் இறுதிச் சுற்றிலேயே சந்தேகநபர் அடையாளம் காணப்பட்டதாகவும் கூறும் அவர், குறிப்பிட்ட சந்தேக நபர்கள் 6 பேரும் தொடர்ந்தும் எதிர்வரும் 3 ம் திகதி வரை நீதிமன்ற உத்தரவின் பேரில் விளக்கமறியலில் வைக்கப்பட்டுள்ளதாகவும் குறிப்பிடுகின்றார்.

உண்மையான விடுதலைப்புலிகளின் பின்னால் மக்களே அணி திரள்வார்கள்: வி.உருத்திரகுமாரன்

2010-02-25T23:24:00.000-08:00

தமிழீழ விடுதலைப் புலிகளுடன் இணைந்து அரசியல் ரீதியான வேலைகளில் ஈடுபடுதல் அவர்களுக்கான சட்ட ஆலோசனை வழங்கல் போன்ற பணிகளில் ஈடுபடுவதை அனுமதிக்க வேண்டும் என்று கோரி தொடரப்பட்ட வழக்கின் விசாரணைகளுக்கான தீர்ப்பு இவ்வருட நடுப்பகுதி வரை ஒத்திவைக்கப்பட்டுள்ளதாக வி. உருத்திரகுமாரன் தெரிவித்துள்ளார்.

இவ்விசாரணைகள் பற்றி பிபிசிக்கு வழங்கிய நேர்காணலிலேயே நாடு கடந்த தமிழீழ அரசின் இணைப்பாளர் வி. உருத்திரகுமாரன் மேலதிக விபரங்களை வெளியிட்டார்.

அமெரிக்காவில் நடைமுறையிலுள்ள பயங்கரவாத தடைச்சட்டங்களின் கீழ் பயங்கரவாத சட்டங்களின் கீழ் தடை செய்யப்பட்ட இயக்கங்களை சேர்ந்தவர்களுடன் இணைந்து அரசியல் வேலை செய்தல் சட்ட ஆலோசனை வழங்கல் என்பனவும் பயங்கரவாத நடவடிக்கைகளாக குறிப்பிடப்பட்டுள்ளன.

இவ்விசாரணைகளில் தமிழர் தரப்பில் வாதாடிய வி. உருத்திரகுமாரன் அவர்களிடம் விடுதலைப்புலிகளின் உண்மையான அமைப்பு எதுவென கேட்கப்பட்ட கேள்விக்கு பதிலளித்த அவர் தற்போது செயற்குழுவொன்றை நிறுவி அவர்கள் செயற்படுவதாகவும் பாதுகாப்பு காரணங்களுக்காக அவர்களால் இப்போது வெளிப்படையாக செயற்படமுடியாதுள்ளதாகவும் தெரிவித்தார்.

தற்போது வெவ்வேறு பெயர்களில் அறிக்கைகள் வெளிவந்துள்ளனவே எனக் கேட்கப்பட்ட கேள்விக்கு பதிலளித்த அவர், சரியான விடுதலைப்புலிகளின் பின்னால் மக்கள் தாமாகவே அணிதிரளுவார்கள் அப்போது உண்மையானது எதுவென நீங்களே அறிந்துகொள்வீர்கள் என பதிலளித்தார்.

உலக தமிழர் மாநாட்டில் பிரி.பிரதமர் கோர்டன் பிரவுண் பங்கேற்றமை, ஜனநாயக வரம்புக்கு அப்பாற்பட்ட செயல்: இலங்கை

2010-02-25T12:27:00.001-08:00

லண்டனில் நேற்று இடம்பெற்ற உலக தமிழ் மாநாட்டில், பிரித்தானிய பிரதம மந்திரி கோர்டன் பிரவுண் பங்கேற்றமையானது ஜனநாயக வரன்முறைகளுக்கு அப்பாற்பட்ட விடயமாகும் என இலங்கை தெரிவித்துள்ளது.

இலங்கையின் பாதுகாப்பு பேச்சாளர் ஹெகலிய ரம்புக்வெல, இந்த கருத்தை வெளியிட்டுள்ளார்.

பயங்கரவாதத்திற்கு ஆதரவளிக்கும் மாநாடு ஒன்றில் பிரித்தானிய பிரதமமந்திரி பங்கேற்றமை குறித்து இலங்கை வருத்தம் அடைகிறது.

இந்தநிலையில், பிரித்தானிய பிரதம மந்திரி, அல்கொய்தாவின் ஆதரவு கூட்டத்தில் பங்கேற்பாரா? என ஹெகலிய ரம்புக்வெல கேள்வி எழுப்பியுள்ளார்.

அல்கொய்தாவை போலவே தமிழீழ விடுதலைப்புலிகள் அமைப்பும் பிரித்தானியாவில் தடைசெய்யப்பட்ட இயக்கமாகும். அவ்வாறெனின் ஏன் இரண்டு இயக்கங்களுக்கும் இடையில் வித்தியாசமான அணுகுமுறையை பிரித்தானியா பின்பற்றுகிறது என அவர் வினவியுள்ளார்.

கூட்டமைப்பை உடைத்துத் தகர்ப்பதற்கு சுயேச்சைக் குழுக்களுக்கு மஹிந்த நிதி : விநாயகமூர்த்தி

2010-02-25T10:21:00.000-08:00

தமிழ்த் தேசியக் கூட்டமைப்பை உடைத்துத் தகர்ப் பதற்கு பல்வேறு சுயேச்சைக் குழுக்களுக்கு ஜனாதிபதி மஹிந்த ராஜபக்ஷ நிதிகளை வழங்கியுள்ளார்.
என்னதான் சதித்திட்டங்கள் வகுத்தாலும் கூட்டமைப் பின் பலத்தை எவராலும் உடைக்க முடியாது.

அகில இலங்கை தமிழ்க் காங் கிரஸ் கட்சியின் தலைவரும், நாடாளுமன்றத் தேர்தலின் யாழ். தேர்தல் மாவட்டத்தில் தமிழ்தேசி யக் கூட்டமைப்பின் வேட்பாளருமான அப்பத்துரை விநாயக மூர்த்தி இவ்வாறு தெரிவித்தார்.

யாழ்.செயலகத்தில் நேற்று வேட்புமனுத்தாக்கல் செய்த பின்னர் ஊடகவியலாளர்களிடம் கருத்துத் தெரிவிக்கும் போதே அவர் மேற்கண்டவாறு தெரிவித்தார்.

அவர் அங்கு மேலும் தெரிவித்தவை வருமாறு:
எதிர்வரும் நாடாளுமன்றத் தேர்தல் மூலம் தமிழ்தேசியக் கூட்டமைப்பை உடைப்பதற்கு ஜனாதிபதி மஹிந்த ராஜபக்ஷ சுயேச்சைக் குழுக்களுக்கு தலா 15 லட்சம் ரூபாவைக் கொடுத்து தேர்தலில் போட்டியிடுமாறு தூண்டிவிட்டுள்ளார்.
ஆனால் எந்தவொரு சதித்திட்டங்களினாலும் தமிழ் தேசியக் கூட்டமைப்பின் பலத்தை உடைத்துவிட முடியாது.சலுகைகளை வழங்கி தமிழ் மக்களை விலை மாந்தர்களாக்க நினைக்கிறார் ஜனாதிபதி; அவருடைய நினைப்பு ஒருபோதும் நடைபெறாது.எதிர்வரும் நாடாளுமன்றத் தேர்தலில் தமிழ்த் தேசியக் கூட்டமைப்பு அமோக வெற்றிபெற்று தமிழ்த் தேசியத்தை சர்வதேசம் எங்கும் பறைசாற்றுவோம்.

எமது அகில இலங்கைத் தமிழ் காங்கிரஸ் கட்சியைச் சேர்ந்த கஜேந்திரகுமார் பொன்னம்பலம் தமிழ் தேசியக் கூட்டமைப்புடன் முரண்பட்டு நிற்கிறார்.
அவரை மீண்டும் தமிழ் தேசியக் கூட்டமைப்புடன் இணைப்பதற்கான முயற்களில் ஈடுபட்டு வருகின்றோம் என்றார்.

பொன்சேகாவின் ஆதரவாளர்கள் விடுதலை! பொன்சேகா சிவில் நீதிமன்றில் நிறுத்தப்படவுள்ளார்!

2010-02-25T10:19:00.002-08:00

பொன்சேகாவுக்கா ஆதரவாளர்கள் எட்டுப் பேரை சிறீலங்கா உச்ச நீதிமன்றம் விடுதலை செய்துள்ளது.

சிறீலங்கா அரசாங்கத்திற்கு எதிரான நடவடிக்கையில் ஈடுபட்ட இராணுவ அதிகாரிகள் மற்றும் பொதுமக்கள் உள்ளடங்கப்படுவதாக தெரிய வருகின்றது.

இவர்கள் அனைவரும் இன்று நீதிமன்றினால் விடுதலை செய்யப்பட்டுள்ளனர்.

இதேநேரம் சரத்பொன்சேகாவின் விசாரணை சிவில் நீதிமன்றில் நிறுத்தவுள்ளதாக சிறீலங்கா அரசாங்கம் இன்று கொழும்பில் தெரிவித்துள்ளது.

சரத் கைது எதிர்ப்பு ஆர்ப்பாட்டம் - குழப்பியோரை இனங்காண நீதிமன்றம் உத்தரவு

2010-02-25T10:19:00.001-08:00

ஜெனரல் சரத் பொன்சேகா கைது செய்யப்பட்டமைக்கு எதிராக மேற்கொள்ளப்பட்ட ஆர்ப்பாட்டத்தின்போது கல்லெறிந்து களங்கம் விளைவித்த நபர்களை இனங்காண நீதிமன்றம் வசமுள்ள புகைப்படங்களைப் பயன்படுத்துமாறு கொழும்பு பிரதான நீதவான் நீதிமன்றம் உத்தரவிட்டுள்ளது.

அத்துடன் வழக்கு விசாரணை எதிர்வரும் 25ஆம் திகதி வரை ஒத்திவைக்கப்பட்டுள்ளது. சரத் பொன்சேகா கைது செய்யப்பட்டமையைக் கண்டித்து கடந்த 10ஆம் திகதி நீதிமன்ற வளாகத்தில் ஆர்ப்பாட்டம் நடத்தப்பட்டது.

அதன்போது அங்கு வந்த அரச ஆதரவாளர்கள் ஆர்ப்பாட்டக்காரர்கள் மீது கல்லெறிந்து குழப்பம் விளைவித்தனர்.

இது தொடர்பான விசாரணையை மேற்கொண்ட கொழும்பு பிரதான நீதிமன்ற நீதவான் சம்பா ஜானகி, எதிர்வரும் 25ஆம் திகதி வரை வழக்கினை ஒத்தி வைப்பதாகவும் சம்பந்தப்பட்டவர்கள் ஆஜர்படுத்தப்பட வேண்டும் என்றும் தெரிவித்தார்.

அன்றைய சம்பவம் தொடர்பாக ஐந்து ஊடக நிறுவனங்களிடமிருந்து வீடியோ காட்சிகளைப் பெற்றுள்ளதாகவும் தொடர்ந்தும் விசாரணைகளை மேற்கொண்டு வருவதாகவும் குற்றப்புலனாய்வுப் பிரிவினர் மன்றில் தெரிவித்தனர்.

கருணாவை வழியனுப்பி வைக்கும் ராஐபக்ச அரசு! துரோகத்தின் மணிமகுடம் கழற்றி வீசப்படுகிறது! மற்றுமொரு வரலாற்றுப் பாடம்?

2010-02-25T00:47:00.000-08:00

கேணல் கருணா என அழைக்கப்பட்ட முரளிதரனின் முறைகேடான வாழ்க்கை முறையால் அவரின் அரசியல் எதிர்காலம் சூனியமாகிவிட்டதாக டெய்லி மிரர் பத்திரிகை தெரிவித்துள்ளது.

இதுகுறித்து, ’The Decline and Fall of Colonel Karuna’ எனும் தலைப்பில் எழுதப்பட்டுள்ள அதன் ஆசிரியர் தலையங்கத்தில் கருணாவின் அரசியல் அதன் இறுதிக் கட்டத்திற்கு வந்துவிட்டதாக எழுதப்பட்டுள்ளது.

இவ் ஆசிரியர் தலையங்கத்தின் முழுவிபரம் வருமாறு:

கருணா தனது சொந்த மாவட்டத் தேர்தலிலிருந்து ஓரங்கட்டப்பட்டுள்ளதுடன் தேசியப் பட்டியலின் ஊடாக தன்னை நாடாளுமன்றத்துக்கு தெரிவு செய்யும்படி அரசாங்கத்தைக் கேட்கும் நிலைக்குத் தள்ளப்பட்டுள்ளார்

மட்டக்களப்பு மாவட்டத்திலிருந்து தேர்தலில் போட்டியிட விரும்பிய தனது சகோதரியைக்கூட போட்டியிடவிடாது தடுத்து, ஆளும் கட்சிக்கு அழுத்தம் கொடுக்க வேண்டிய அளவிற்கு அவரின் நிலை சென்றுவிட்டது.

ஆளும் கட்சியின் பிரதித் தலைவர்களில் ஒருவரான கருணாவின் இது போன்ற அழுத்தங்களுக்கும் கோரிக்கைகளுக்கும் கட்சியில் செவிமடுப்பார் எவருமேயில்லை. ஐக்கிய மக்கள் சுதந்திர முன்னணியின் அதிகார ஏணியிலிருந்து அவர் ஏற்கனவே கீழிறக்கப்பட்டுவிட்டார்.

அரசாங்கத்தைப் பொறுத்தவரை கருணா ஒரு முடிந்துபோன கதை. தேர்தல் தொடர்பாக தற்போது எழுந்துள்ள முரண்பாடுகள், இதுவரை காலமும் ராஜபக்ச அரசில் அவர் அனுபவித்து வந்த அதிகாரம் வீழ்ச்சியடையத் தொடங்கி விட்டதையே காட்டுகிறது.

கருணாவின் இந்த வீழ்ச்சி அவர் தானே ஏற்படுத்திக் கொண்டது. அவர் தனது மக்களை மறந்து, நகர வாழ்வைத் தேடினார். அவர் மேற்கொண்ட பகட்டு வாழ்வே அவருடைய அரசியல் எதிர்காலத்திற்கு குழி பறித்தது. பிள்ளையானைப் போல தனது மக்களோடு, அந்த மண்ணின் நின்று அபிவிருத்திப் பணிகளில் கவனம் செலுத்தியிருப்பாரேயானால், தேர்தலைக் கண்டு ஓடவேண்டிய தேவை கருணாவிற்கு ஏற்பட்டிருக்காது.

போரினால் பாதிக்கப்பட்ட அவரது மண்ணின் மக்கள் தமது நாளாந்த வாழ்வை மீளக் கட்டியெழுப்புவதற்கு கடுமையாகப் போராடிக் கொண்டிருக்கும் நேரத்தில், கருணா ஒரு ஆடம்பரமான பகட்டு வாழ்வில் திழைத்திருந்தார். விடுதலைப் புலிகளோடு இணைந்திருந்த காலத்தில் எந்த மக்களுக்காகப் போராடினாரோ அந்த மக்களுக்கு குரல் கொடுத்கும் தகுதியை அவர் இழந்து விட்டதை அவர் பல வழிகளில் நிருபித்துள்ளார்.

அவர் தனது மக்களுக்குரிய தலைவராக இருக்கவில்லை. இன்று கிழக்கு மாகாண மக்களால் வெறுக்கப்படும் ஒரு மனிதராக அவர் இருக்கின்றார். இந்த உண்மை குறித்து அவரும் உணர்ந்திருப்பார்.

அரசைப் பொறுத்தவரை, போருக்குப் பின்னான காலத்தில் அவரால் எந்தப் பயனும் இல்லை. அவரின் தேவையும் மதிப்பும் அவர்களைப் பொறுத்தவரை பெரியளவில் கீழிறங்கிவிட்டது.

அவரின் இரவு விடுதி வாழ்க்கை அரசாங்கத்திற்கு பெரும் சங்கடத்தை ஏற்படுத்தி வருகிறது. அவரைப் பாதுகாப்பதன் ஊடாக கிழக்கு மாகாண மக்களின் வாக்குகளைப் பெறமுடியாது என அரசாங்கம் நன்றாகவே உணர்ந்துள்ளது.

இந்நிலையில், அவரை தேர்தலில் நின்று பாராளுமன்றத்திற்கு வரும்படி கேட்டிருப்பதுகூட, அரசியலில் இருந்து அவரை கௌரவமாக வழியனுப்பி வைக்கும் ஒரு தந்திரம்தான். ஏனெனில் அவரால் தேர்தலில் நின்று வெல்ல முடியாது என்பது அரசிற்கு நன்றாகவே தெரியும்.
இவ்வாறு 'டெய்லி மிரர்' தனது ஆசிரியர் தலையங்கத்தில் எழுதியுள்ளது.

தமிழாக்கம் பொங்குதமிழ்

ஐரோப்பிய ஒன்றியத்துடன் இணைந்து சிறீலங்காவுக்கு அழுத்தம் கொடுப்போம் – பிரித்தானியப் பிரதமர்

2010-02-25T00:46:00.000-08:00

பிரித்தானியப் பிரதமர் கோர்டன் பிறவுணை, இன்று (24-02-2010) பிரித்தானிய நாடாளுமன்ற கட்டிடத்தில் ஆரம்பித்து வைக்கப்பட்ட உலகத் தமிழர் பேரவை அமைப்பின் பிரதிநிதிகள் சந்தித்து உரையாடியுள்ளனர்.

நாடாளுமன்றக் கட்டிடத்தில் இடம்பெற்ற சந்திப்பில், உலகத் தமிழர் பேரவை முன்னெடுக்கவுள்ள மக்களை விடுவித்தல், போர்க்குற்ற விசாரணைக்கான செயற்பாடுகள், மற்றும் மக்களின் மேம்பாட்டு நடவடிக்கைகள் குறித்து விளக்கமளிக்கப்பட்டதுடன், தமிழீழ மக்களின் அரசியல் அபிலாசை பற்றியும் வினயமாக எடுத்துரைக்கப்பட்டது.

இதற்குப் பதிலளித்த கோர்டன் பிறவுண், சிறீலங்கா அரசுக்குக்கான தமது அழுத்தம் தொடர்ந்து வருவதாகவும், அண்மையில் அதிபர் தேர்தல் நடைபெற்றபோதுகூட அரசின் சனநாயக விரோதப்போக்கைக் கண்டித்து கடிதம் எழுத்தியிருந்ததாகவும் தெரிவித்தார்.

தமிழ் மக்களின் மீள் குடியேற்றம் பற்றிய விடயத்தில் சிறீலங்கா அரசு அலட்சியத் தன்மையைக் கடைப்பிடித்தால், ஐரோப்பிய ஒன்றியத்துடன் இணைந்து அடுத்த கட்ட நடவடிக்கை பற்றி ஆராயப்படும் எனவும் அவர் கூறினார்.

பொதுநலவாய நாடுகளின் மாநாட்டை சிறீலங்காவில் நடத்தவிடாது தடுத்து, அவுஸ்திரேலியாவில் நடத்துவதற்கு தான் ஏற்பாடு செய்திருப்பதைச் சுட்டிக்காட்டிய பிரித்தானியப் பிரதமர் கோர்டண் பிறவுன், தமது அரசு முடிந்தளவு மேலும் பல அழுத்தங்களை சிறீலங்கா அரசுக்குக் கொடுக்கும் எனக் கூறினார்.

தமிழ் மக்களின் விருப்பு பற்றி தமிழீழத்தில் கருத்துக் கணிப்பு நடத்துவது பற்றி உலகத் தமிழர் பேரவையின் அங்கத்தவர்கள் சுட்டிக்காட்டியபோது, அதனை தமது அரசு மட்டும் தனித்து செய்துவிட முடியாது எனவும், ஐரோப்பிய ஒன்றியத்துடன் இணைந்தே இதற்கான செயற்பாடுகளில் இறங்க வேண்டும் எனவும் கோர்டன் பிறவுண் கூறினார்.

பிரித்தானியப் பிரதமருடனான உலகத் தமிழர் பேரவையின் சந்திப்பு, பிரித்தானிய வெளிவிகார அமைச்சர் உட்பட பல அமைச்சர்கள், மற்றும் நாடாளுமன்ற உறுப்பினர்கள் உலகத் தமிழர் மாநாட்டில் கலந்து கொண்டமை போன்ற விடயங்கள், கொழும்பு அரச வட்டாரத்தில் பாரிய எரிச்சலைக் கிளப்பியுள்ளதுடன், அரச மட்டத்திலான கருத்து மோதல்களையும் தோற்றுவித்துள்ளது.

பொன்சேகாவின் மருமகனை ஐந்து விசேட காவல்துறை பிரிவினர் தேடுதல் வேட்டை

2010-02-25T00:40:00.000-08:00

ஜெனரல் சரத் பொன்சேகாவின் மருமகன் தானுக்க திலக்கரட்னவை கைது செய்வதற்காக ஐந்து விசேட காவல்துறை பிரிவினர் ஈடுபடுத்தப்பட்டுள்ளதாகக் குறிப்பிடப்படுகிறது.

விரிவான விசாரணைகள் ஆரம்பிக்கப்பட்டுள்ளதாகவும், சர்வதேச காவல்துறையினரின் ஒத்துழைப்பும் பெற்றுக்கொள்ளப்பட்டுள்ளதாகவும் தெரிவிக்கப்படுகிறது.

தானுகவினால் மேற்கொள்ளப்பட்ட சட்டவிரோத கொடுக்கல் வாங்கல்கள், வங்கி கணக்கு விபரங்கள் உள்ளிட்ட பல்வேறு தகவல்கள் தொடர்பில் விசாரணை நடத்தப்பட்டு வருவதாகக் குறிப்பிடப்படுகிறது.

ஜெனரல் சரத் பொன்சேகா இராணுவத் தளபதியாக பதவி வகித்த காலத்தில், தானுக திலக்கரட்ன போலியான ஆவணங்களைப் பயன்படுத்தி மோசடிகளில் ஈடுபட்டுள்ளதாக குற்றம் சுமத்தப்பட்டுள்ளது.

பொன்சேகா பயன்படுத்திய செய்மதித் தொலைபேசிக் கட்டணம் ரூ.28 லட்சம்: ஓய்வூதியத்தில் கழிக்க திட்டம்

2010-02-25T00:39:00.000-08:00

சரத் பொன்சேகா யாழ். தளபதியாக இருந்தபோது அவருக்கு வழங்கப்பட்டிருந்த செய்மதி தொலைபேசிக்கான கட்டணம் சுமார் 28 லட்சம் ரூபாவாக அதிகரித்திருந்ததாகவும், இதுவரை நிலுவையாகவுள்ள இத்தொகையினை அவரது மாதாந்த ஓய்வூதியத்திலிருந்து கழிப்பதற்கு நடவடிக்கை எடுக்கப்படுமெனவும் அரசாங்கம் சுட்டிக்காட்டியுள்ளது.

இது தொடர்பாக அரசாங்கம் விடுத்துள்ள செய்தியில் மேலும் குறிப்பிடப்பட் டுள்ளதாவது:

2000ஆம் ஆண்டு யாழ்.கட்டளைத் தளபதியாக கடமையாற்றிய காலத்தில் ஜெனரல் சரத் பொன்சேகாவின் உத்தியோகபூர்வ தேவைகளுக்கென செய்மதித் தொலைபேசி இணைப்பு வழங்கப்பட்டிருந்தது.

இந்தத் தொலைபேசியைப் பயன்படுத்தி அவர் அமெரிக்கா, அவுஸ்திரேலியா மற்றும் மலேசியா போன்ற நாடுகளுக்கு தொடர்ச்சியாக அழைப்புக்களை மேற்கொண்டுள்ளார் என்று தெரியவந்துள்ளது.

கட்டுப்பாடின்றி இத்தொலைபேசி இணைப்பு பயன்படுத்தப்பட்டதால் குறிப் பிட்ட காலப்பகுதியில் அதனது பட்டியல் தொகை சுமார் 2.8 மில்லியன் ரூபாவாக உயர்வடைந்துள்ளது.

இப்பெருந்தொகைக் கட்டணம் இதுவரை செலுத்தப்படாது நிலுவையாக உள்ளமை தெரியவந்துள்ளது. இந்தக் கட்டணத்தைச் செலுத்துவதற்கு நடவடிக்கைகளை மேற்கொள்ளுமாறு முன்னாள் இராணுவ தளபதி லெப்டினன் ஜெனரல் சாந்த கோட்டேகொட, கட்டளைத் தளபதியாக இருந்த பொன்சேகாவை பணித்திருந்த போதிலும் அவர் அதனை அலட்சியப்படுத்தியதாக தற்போது தெரியவந்துள்ளது.

இந்நிலையில் அக்காலப்பகுதியில் குறித்த கட்டணப் பட்டியல்களுக்கு பொறுப்பாகவிருந்த மேஜர் ஜெனரல் நிமல் ஜயசூரிய பின்னர் இராணுவ நடவடிக்கைகளுக்கான பணிப்பாளராக நியமிக்கப்பட்ட போது மேற்படி நிலுவைக் கட்டணத்தை செலுத்துமாறு பொன்சேகாவை கேட்டுள்ளார். இருந்தபோதும் இதற்கு அவர் சரியான பதிலளிக்கவில்லை.

இவ்வாறிருக்கையில் இராணுவ தளபதியாக பதவியுயர்வு பெற்ற சரத் பொன்சேகா, பொய்க் குற்றச்சாட்டுக்களைச் சுமத்தியே மேஜர் ஜெனரல் நிமல் ஜயசூரியவை குறித்த பதவியிலிருந்து நீக்கினார் என்று தெரியவந்துள்ளது.

இதேவேளை, நிலுவைக் கட்டணங்கள் தொடர்பான ஆவணங்கள் அடங்கிய கோவை நில விரிப்பிற்கு கீழ் (கார்பட்) மறைத்து வைக்கப்பட்டுவிட்டதாக தெரியவந்துள்ள போதிலும் இந்த தொலைபேசி பட்டியல் நிலுவையாக உள்ளது தொடர்பான வேறு சில ஆவணங்கள் படைத்தரப்பினரிடம் இருந்துள்ளன. இதனடிப்படையிலேயே இந்த விவகாரம் தொடர்பான விசாரணைகள் ஆரம்பிக்கப்பட்டுள்ளன.

இந்நிலையில் உரிய விசாரணைகளின் பின்னர் தேவையேற்படும் பட்சத்தில் முன்னாள் இராணுவ தளபதியும் கூட்டுப்படைகளின் முன்னாள் பிரதானியுமான ஜெனரல் பொன்சேகாவின் ஓய்வூதியத்திலிருந்து இந்தக் கட்டணத் தொகையைக் கழித்துக் கொள்வதற்கு தேவையான நடவடிக்கைகள் முடுக்கிவிடப்பட்டுள்ளன.

யாழ் தீவகத்தில் புதிய புத்தர்சிலை நாட்டுவதற்குரிய பணிகளில் சிறீலங்காப்படையினர்

2010-02-24T10:18:00.002-08:00

யாழ் தீவகத்தில் புதிய புத்தர்சிலை நாட்டுவதற்குரிய பணிகளில் சிறீலங்காப்படையினர் ஈடுபட்டுள்ளார்கள்.

யாழ்ப்பாணத்தின் தீவகத்தின் முதன்மை வீதியில் 1996ஆம் அண்டு நிலைகொண்டுள்ள சிறீலங்காப்படையினர் அரசமரத்தினை நாட்டியுள்ளார்கள். தற்போது சிறிய அரசமரமாக வளர்ந்துள்ள நிலையில் அதனைச்சுற்றி மேடை ஒன்றினை அமைக்கும் பணியில் சிறீலங்காப்படையினர் ஈடுபட்டுள்ளதாக தெரிவிக்கப்பட்டுள்ளது.

யாழ்பாணம் தீவகத்திற்கு செல்லும் வழியின் பண்ணைப்பாலத்தினை அடுத்த பகுதியில் சிறீலங்காப் படையினரின் காவலரணுக்கருகில் அமைந்துள்ள இந்த அரசமரத்தினை வழிபாட்டுதலமாக மாற்றுமாறு நைனாதீவிற்கு செல்லும் சிங்கள மக்கள் சிறீலங்காப்படையினரிடம் தெரிவித்துள்ளதை தொடர்ந்து இந்த அரசமரத்தடியில் புத்தர் சிலையினை நிறுவுவதற்கான பணிகளில் சிறீலங்காப்படையினர் ஈடுபட்டுள்ளதாக தெரிவிக்கப்பட்டுள்ளது.

சிறீலங்காப்படையினரின் இவ்வாறான செயல்பாட்டினை தீவக மக்கள் எடுத்துக்கூறமுடியாத நிலையில் உள்ளதாக மக்கள் தெரிவித்துள்ளார்கள்.

சிறீலங்கா நாடாளுமன்றத்திற்கு அருகில் அழுகிய நிலையில் சடலம்

2010-02-24T10:18:00.001-08:00

கொழும்பு ஜெயவர்த்தனபுரவுக்கருகில் உள்ள ஏரியில் இன்று புதன்கிழமை (24.02.10) சடலம் ஒன்று அழுகிய நிலையில் மீட்கப்பட்டுள்ளது. அதியுயர் பாதுகாப்பு வலயகமான நாடாளுமன்றக் கட்டட்திலுள்ள சபாநாயகரின் வீட்டுக்குப் பின்புறமாக உள்ள நீரேரியிலேயே இச்சடலம் மீட்கப்பட்டுள்ளது.

மிகவும் பரபரப்ரப ஏற்படுத்தியுள்ள இச்சம்பவம் தொடர்பில் குறிப்பாக ஊடகத்துறையினர் பல சந்தேசங்களை வெளிப்படுத்தியுள்ளனர். கடந்த ஜனவரி 25ம்திகதிக்கு முன்னர் அதாவது ஜனாதிப்பதித் தேர்தலின் பின்னர் மகிந்தாவை மிகக் கடுமையாக விமர்சித்த லங்கா ஈசெய்தி இணையத்தளத்தின் பத்திரிகை ஆசிரியரும் சிறந்த கேலிச்சித்திர வடிவமைப்பாளருமான பிரகீத் எக்நேலியகொட காணாமல்ப் போன சம்பவம் தொடர்பில் இதுவரை எந்த ஒரு பதிலும் ஹோமாகம காவற்துறையினருக்குக் கிடைக்காத நிலையில் அவரது குடும்பத்தினர் மிகக் கலக்கம் அடைந்துள்ளனர்.

காவற்துறை ஊடகப்பேச்சாளர் பிரசாத் ஜயகொடியும் குறித்த ஊடகவியலாளரது விசாரணை தொடர்பில் இதுவரையிலும் எந்தவொரு கருத்தையும் வெளியிடவில்லை என்பதும் குறிப்பிடத்தக்கது.

இதே போன்றே கடந்த 2005 ஏப்ரல் மாதம் 28ம் திகதி பிரபல ஊடகவியலாளர் சிவராம் பம்பலப்பிட்டி காவல்துறை நிலையம் முன்பாக வைத்துக் கடத்தப்பட்டு பாராளுமன்றக் கட்டடத்திற்கு பின்புறமாக சடலமாக மீட்கப்பட்டார் என்பதும் குறிப்பிடத்தக்கது.

இலங்கையில் நல்லிணக்கத்தை ஏற்படுத்த முனைப்புக்காட்ட வேண்டும் - டேவிட் மிலிபான்ட்

2010-02-24T10:17:00.000-08:00

இலங்கையின் இன நல்லிணக்கத்தை ஏற்படுத்துவதற்கான உண்மையான முனைப்புகளை வெளிப்படுத்துமாறு பிரித்தானிய அரசாங்கம் இலங்கை அரசாங்கத்தை கோரியுள்ளது.

இது தொடர்பில் பிரித்தானிய வெளிவிவாகர செயலாளர் டேவிட் மில்லிபாண்ட் பிரித்தானிய பாராளுமன்றத்தில் அறிக்கை ஒன்றை வெளியிட்டுள்ளார். அந்த அறிக்கையில் இலங்கையில் வாழும் அனைத்து இன மக்களும் ஏற்றுக் கொள்ளக் கூடிய நிலையான சமாதனத்தை ஏற்படுத்தவும் இனங்களிடையில் நல்லுறவை ஏற்படுத்தவும் கூடிய சந்தர்ப்பம் தற்போது ஏற்பட்டுள்ளதாகவும் அதனை உரிய முறையில் பயன்படுத்த வேண்டும் என்றும் வலியுறுத்தல் விடுக்கப்பட்டுள்ளது.

இலங்கை ஜனாதிபதி மகிந்த ராஜபக்ச தற்போதைய நிலமையினை உரிய முறையில் பயன்படுத்தி அவதானிக்கத் தக்கதான மாற்றங்களை இலங்கையில் ஏற்படுத்த வேண்டும் என்றும் அவர் வலியுறுத்தியுள்ளார்.

சிறீலங்காவின் விவகாரத்தில் அமெரிக்கா தலையிட முடியாது: யாப்ப

2010-02-24T10:16:00.000-08:00

சிறீலங்காவின் விவகாரத்தில் அமெரிக்கா தலையிட உரிமையில்லை என சிறீலங்கா அரசாங்கம் அறிவித்துள்ளது.

இன்று கொழும்பில் இடம்பெற்ற செய்தியாளர் மாநாட்டில் ஊடகத்துறை அமைச்சர் லக்ஸ்மன் யாப்பா தெரிவிக்கையிலேயே அவர் இதனைத் தெரிவித்துள்ளார்.

இலங்கை விவகாரத்தில் அமெரிக்கா தலையிட உரிமையில்லை. அமெரிக்காவின் தெற்கு மத்திய விவகாரங்களுக்கான அமெரிகாவின் இராஜங்கச் செயலாளர் ரொபேட் ஓ பிளாக் இலங்கை விவகாரங்களில் தலையிடுவதாக சிறீலங்கா அரசாங்கம் கண்டனம் வெளியிட்டுள்ளது.

உலகத்தமிழர் பேரவை மாநாட்டில் கலந்துகொண்ட டேவிட் மிலிபான்டுக்கு சிறீலங்கா கண்டனம்

2010-02-24T10:15:00.000-08:00

பிரித்தானியாவில் இன்று நடைபெற்ற உலகத்தமிழர் பேரவையின் முதலாவது மாநாட்டில் கலந்துகொண்ட பிரித்தானிய வெளியுறவு அமைச்சர் டேவிட் மிலிபான்டுக்கு சிறீலங்கா அரசாங்கம் கண்டனம் தெரிவித்துள்ளது.

டேவிட் மிலிபான்ட்ட நிகழ்வில் கலந்துகொண்டமைக்கு சிறீலங்கா வெளியுறவு அமைச்சர் ரோகித போகல்லாக தனது கண்டனத்தை வெளியிட்டுள்ளார்.

உலகத்தமிழர் பேரவையின் முதலாவது மாநாடு பிரித்தானிய நாடாளுமன்ற வளாகத்தினுள் பேராசிரியர் கலாநிதி இமானுவல் அடிகளார் தலைமையில் இன்று நடைபெற்று வருகின்றது.

கொழும்புக்குள் விடுதலைப்புலி குண்டுதாரிகள் ஊடுருவியுள்ளனராம்! இலங்கைப் பிரதமர் ரட்ணசிறி விக்கிரமநாயக்க

2010-02-24T00:24:00.000-08:00

போரைத் தொடர்ந்து வன்னியிலிருந்த விடுதலைப் புலிகள் தற்கொலைக் குண்டுதாரிகளில் பலரும் கொழும்பை நோக்கி வந்துவிட்டதாகவும், ஆனால் அவர்கள் இப்போது எங்கே உள்ளார்கள் என்பதுபற்றித் தெரியவரவில்லை என்றும் புலனாய்வு அறிக்கைகள் கூறுவதாக இலங்கைப் பிரதமர் ரட்ணசிறி விக்கிரமநாயக்க தெரிவித்துள்ளார்.

டெய்லி மிரர் பத்திரிகைக்கு வழங்கிய பேட்டியிலேயே இவ்வாறு கூறியுள்ள அவர், மேற்படி குண்டுதாரிகளைக் கண்டுபிடிப்பதில் படை அதிகாரிகள் ஈடுபட்டுள்ளதாகவும், எனவே அதுவரை படையினர் உஷார் நிலையில் இருப்பார்கள் என்றும் கூறினார்.

மேலும், தற்கொலைதாரிகள் என்பவர்கள் மிகவும் ஆபத்தானவர்கள், அவர்கள் எங்கே என்பதை நாங்கள் இப்போது கண்டுபிடிக்காவிட்டால், அனைத்து இடங்களிலும் அவர்கள் ஊடுருவிவிட்டார்கள் என்று கருத்தாகும்.

அவர்கள் தம்முடன் கொண்டுவந்த் ஆயுதங்களை வைத்திருக்கிறார்கள் என்றால் எந்நேரத்திலும் எங்கு வேண்டுமானாலும் தாக்குதல் நடத்தப்படலாம் என்பதாலேயே ராணுவத்தினர் உஷார் நிலையில் வைக்கப்பட்டுள்ளதாக பிரதமர் கூறியுள்ளார்.

விடுதலைப்புலிகள் மீண்டும் எழுவார்களா என்பது குறித்துக் கேட்டபோது, தமக்குக் கிடைத்துள்ள புலனாய்வுத் தகவல்களின்படி, வெளிநாட்டிலுள்ள இலங்கையர்கள் இப்போதும் நிதிதிரட்டலில் ஈடுபட்டுள்ளார்கள், ஆனால் இந்த நிதிதிரட்டலுக்கான காரணம் இன்னமும் தெரியவரவில்லை.

இதேவேளை வெளிநாடுகளிலுள்ள இலங்கையர்கள் அனைவரும் நிதிதிரட்டலுக்காக ஒன்று கூடுகிறார்கள். இவர்கள் தாமாகவே ஒரு அமைப்பாக இயங்கவுள்ளார்களா என்பது தமக்குத் தெரியவில்லை என்றுள்ளார் ரட்ணசிறி விக்கிரமநாயக்க. தமது புலனாய்வுத் துறையினர் கொடுத்த தகவலின்படி, வவுனியா இடம்பெயர் முகாம்களில் இப்போதும் புலிகள் அமைப்பைச் சேர்ந்தவர்கள் உள்ளார்கள். எனவேதான் மீள்குடியேற்றம் தாமதப்படுகின்றதாம்.

பிரதமர் ரட்ணசிறி கூறியது போன்றே ராணுவத் தளபதி ஜகத் ஜயசூரியாவும், "தனித் தமிழீழம் என்ற கொள்கை இன்னமும் வெளிநாட்டிலுள்ள தமிழர்கள் மத்தியில் உறுதியாக உள்ளது" என அண்மையில் கூறியிருந்தமை குறிப்பிடத்தக்கது.

இருந்தபோதிலும் தமிழ் மக்கள் மீது இராணுவ அடக்குமுறையை மேலும் அதிகரிக்ப்பதற்காகவும் பிராந்திய சக்திகளின் சுயநல தேவைகளுக்காகவும் இவ்விடயம் கையாளப்படுவதாக சந்தேகிக்கப்படுகின்றது.

காவல்துறையினரால் கைதுசெய்யப்பட்ட இளைஞர் ஆற்றில் சடலமாக மீட்கப்பட்டார்.

2010-02-24T00:21:00.000-08:00

காவல்துறையினரால் இங்கினியாகல பகுதியில் நேற்று முன்தினம் (21) இரவு 7.45 அளவில் கைதுசெய்யப்பட்ட இளைஞர் ஒருவர் சேனாநாயக்க சமுத்திரத்தின் தெற்குப்பகுதி ஆற்றில் சடலமாக மீட்கப்பட்டதை அடுத்து நேற்று அதிகாலை மொரகஹபள்ளம பிரதேச மக்கள் காவல்துறையினருக்கெதிராக ஆர்ப்பாட்டத்தில் ஈடுபட்டனர்.
இவர்கள் டயர்களைக் கொளுத்தி, கறுப்புகொடிகளை ஏந்தியவாறு ஆர்ப்பாட்டத்தில் ஈடுபட்டதாகத் தெரிவிக்கப்பட்டுள்ளது. மொரகஹபள்ளம பிரதேசத்தைச் சேர்ந்த 39 வயதான ஈ.ஏ.சமன் திலகசிறி என்ற இளைஞரே சடலமாக மீட்கப்பட்டுள்ளார்.

இவர் நேற்று முன்தினம் இரவு மூன்று பேர் அடங்கிய காவல்துறைக் குழுவினரால் கைதுசெய்யப்பட்டார்.

புலிகள் குறித்து மாலைதீவுக்கு எச்சரிக்கை

2010-02-24T00:20:00.000-08:00

கடந்த வருடம் நடந்த போரில் தோற்கடிக்கப்பட்டுள்ள விடுதலைப் புலிகள் அமைப்பானது இப்போது திறனுள்ள முதலாளித்துவ செயற்பாட்டாளர்களைப் பயன்படுத்தி தமது குறிக்கோள்களை அடைவதில் முயற்சிசெய்து வருவதாக இலங்கை வெளிநாட்டமைச்சர் ரோஹித போகொல்லாகம கூறியுள்ளார். குறிப்பாக இலங்கை மற்றும் மாலைதீவு போன்ற நாடுகளில் புலிகளின் சட்டவிரோத நடவடிக்கைகள் நடக்கும் சாத்தியக்கூறுகள் மிக அதிகளவாக இருப்பதாகக் கூறியுள்ள ரோஹித இவ்விரு நாடுகளும் தம்மிடையேயும் சார்க் நாடுகளிடையேயும் முக்கியமான தகவல்களைப் பகிர்ந்து கொள் வேண்டியது மிகவும் அவசியமானதென அவர் குறிப்பிட்டுள்ளார்.

மாலைதீவு வெளிவிவகார அமைச்சர் டாக்டர் அஹமட் ஷடீடை சந்தித்து பேச்சுவார்த்தை நடத்திய போது, இலங்கை வெளிவிவகார அமைச்சர் இதனைக் குறிப்பிட்டுள்ளார். புலனாய்வுத் தகவல்களை பரிமாறிக் கொள்வது தொடர்பான புரிந்துணர்வு உடன்படிக்கை ஒன்றை கைச்சாத்திடுவது குறித்தும் இந்த இரு வெளிநாட்டமைச்சர்களின் கலந்துரையாடலின்போது ஆராயப்பட்டுள்ளது.

மகிந்தவை தங்கேஸ்வரி, கருணா, கிஷோர் சந்தித்துள்ளனர்

2010-02-24T00:17:00.000-08:00

தேசிய கூட்டமைப்பில் இருந்து விலகி அரசாங்கத்துடன் இணைந்து கொண்ட முன்னாள் நாடாளுமன்ற உறுப்பினர் கே.தங்கேஸ்வரி உள்ளிட்ட சிலர் நேற்று ஜனாதிபதி மகிந்த ராஜபக்சவை சந்தித்துள்ளனர். இந்தச் சந்திப்பின் போது வன்னி மாவட்ட நாடாளுமன்ற உறுப்பினர் சிவநாதன் கிஷோர் மற்றும் அமைச்சர் கருணா ஆகியோரும் உடனிருந்ததாகத் தெரிவிக்கப்படுகிறது. இந்த சந்திப்பின்போது தமிழ் தேசிய கூட்டமைப்புடன் ஏற்பட்ட முறுகல் நிலை தொடர்பிலும், எதிர்வரும் காலங்களில் முன்னெடுக்கப்பட வேண்டிய நடவடிக்கைகள் தொடர்பிலும் கலந்துரையாடப்பட்டதாகத் தெரிவிக்கப்பட்டுள்ளது.

சர்வ சாதாரணமாக இந்த முன் நாள் எம்.பிக்கள் மகிந்தவுடன் கைகோத்து நிற்க யார் தைரியம் கொடுத்தார்கள். சிங்களவனுடன் கூட்டுச் சேரும் எவருக்கும் தமிழர்கள் வாக்களிக்க மாட்டார்கள் என்ற தெளிவான நிலை இலங்கையில் காணப்பட்டல் இவர்கள் இவ்வாறு செய்வார்களா ? இவர்கள் போட்டியிட்டு தற்சமயம் ஜெயித்தால் நிலை எவ்வாறு இருக்கும் என்பதை தமிழர்கள் நன்கு புரிதல் நல்லது. இவர்கள் போன்ற பச்சோந்திகளை தமிழர்கள் அடையாளம் கண்டு செயல்படுதல் நல்லது.

புலம்பெயர் தமிழர்கள் இது குறித்து ஊரில் உள்ள தமது உறவுகளுக்கு இதுகுறித்து தெளிவுபடுத்தவேண்டும்.

புலிகள் தமது இலட்சியத்தை நிறைவேற்றிக் கொள்ள வேறு வழிகளில் முனைப்பு: ரோஹித போகொல்லாகம

2010-02-24T00:16:00.002-08:00

இராணுவ ரீதியாக தோற்கடிக்கப்பட்டுள்ள புலிகள் அமைப்பு வேறு வழிகளில் தமது இலட்சியத்தை நிறைவேற்றிக் கொள்ள முனைப்பு காட்டி வருவதாக இலங்கை வெளிவிவகார அமைச்சர் ரோஹித்த போகொல்லாகம சுட்டிக்காட்டியுள்ளார்.

புலிகளின் நடவடிக்கைகள் குறித்து மாலைதீவு எச்சரிக்கையுடன் செயற்பட வேண்டுமென வெளிவிவகார அமைச்சர் ரோஹித்த பொகொல்லாகம கோரிக்கை விடுத்துள்ளார்.

மாலைதீவு வெளிவிவகார அமைச்சர் கலாநிதி அஹமட் சாஹீதைச் சந்தித்து பேச்சுவார்த்தை நடத்திய போதே அமைச்சர் இக்கோரிக்கையை விடுத்தார்.

குறிப்பாக இலங்கை மற்றும் மாலைதீவு போன்ற நாடுகளில் வைற் கொலர் (கனவான்களைப் போன்று) சட்டவிரோத நடவடிக்கைகளை மேற்கொள்ளக் கூடுமென எச்சரிக்கை விடுத்துள்ளார்.

எனவே முக்கியமான தகவல்களை இரு நாடுகளும் பகிர்ந்து கொள்ள வேண்டியது மிகவூம் அவசியமானதென அவர் குறிப்பிட்டுள்ளார்.

இச்சந்திப்பில் புலனாய்வுத் தகவல்களை பரிமாறிக் கொள்வது தொடர்பான புரிந்துணர்வு உடன்படிக்கை ஒன்றை கைச்சாத்திடுவது குறித்தும் ஆராயப்பட்டதாக அறிவிக்கப்பட்டுள்ளது.

இலங்கை அரசாங்கம் இனப்பிரச்சினையை தீர்க்க புதிய திட்டத்தை முன்வைக்கவேண்டும்: பிரித்தானியா வலியுறுத்தல்

2010-02-24T00:16:00.001-08:00

இலங்கையின் தேசிய பிரச்சினை தீர்வுக்கு புதிய திட்டம் ஒன்றை உடனடியாக அமுலாக்க வேண்டும் என பிரித்தானிய வெளியுறவு செயலாளர் டேவிட் மிலிபாண்ட், ஜனாதிபதி மகிந்த ராஜபக்ஷவை வலியுறுத்தியுள்ளார்.

தமிழீழ விடுதலைப்புலிகள் கடந்த வருடம் மே மாதத்துடன் தோற்கடிக்கப்பட்டதில் இருந்து, இலங்கையின் நிலவரம் குறித்து கண்காணிக்கப்படுகிறது.

இந்த நிலையில், அரசாங்கத்துக்கு தனியாக இலங்கையின் இனப்பிரச்சினைக்கு தீர்வு காணுவதற்கான உயரிய வாய்ப்பு காணப்படுவதாக அவர் தெரிவித்துள்ளார்.

இது தொடர்பாக வெளியுறவு அமைச்சகத்தில் இருந்து வெளியிட்டுள்ள அறிக்கை ஒன்றிலேயே அவர் இதனை தெரிவித்துள்ளார்.

இதேவேளை எதிர்வரும் நாட்களில் லண்டனில் நடைபெறவுள்ள உலக தமிழர் மாநாட்டில், டேவிட் மிலிபாண்ட் கலந்து கொண்டு, இது தொடர்பில் வலுசேர்க்கவிருப்பதாக பிரித்தானிய வெளியுறவுத்துறை அமைச்சு தெரிவித்துள்ளது.

இதற்கிடையில் டேவிட் மிலிபாண்ட், உலக தமிழர் மாநாட்டில் கலந்து கொள்ளவுள்ளமை, இலங்கை அரசாங்கத்துக்கும் அவருக்கும் இடையிலான உறவு மேலும் விரிசலடையலாம் என பிரித்தானிய ஊடகங்கள் செய்தி வெளியிட்டுள்ளன.

உலக தமிழர் மாநாடு, தமிழீழ கோட்பாட்டை வலியுறுத்தி காணப்படும் நிகழ்த்தபடுவதன் காரணமாகவே இந்த கருத்து நிலவுவதாக தெரிவிக்கப்பட்டுள்ளது.

எனினும், மிலிபாண்ட் இலங்கையின் சிறுபான்மை மக்கள் தமது உரிமைகளையும், பிரச்சினைக்கான தீர்வையும் பெறுவதற்கு சில சாதகமான கருத்துக்களையே வெளியிட்டுள்ளதாக பிரித்தானிய வெளியுறவு அமைச்சகம் தெரிவித்துள்ளது.

இதேவேளை, கடந்த ஜனாதிபதி தேர்தலில் இலங்கையில் மோசடி ஏற்பட்டுள்ளதாக கூறப்படுகிறது.

இந்த கருத்துக்களை தகர்க்கும் வகையில் துரிதமான விசாரணைகளை மேற்கொள்ளுமாறு இலங்கை அரசாங்கத்தை பிரித்தானியா வலியுறுத்தியுள்ளது.